Droga i mbyt djalin, nëna hap qendër këshilluese - Business Magazine Albania

Droga i mbyt djalin, nëna hap qendër këshilluese


Nëna, psikologja dhe aktivistja e Ferizajit, Arjeta Musliu pas humbjes së djalit të saj nga varësia e drogave, së bashku me miq dhe profesionistë të fushave të ndryshme, ka hapur Qendrën Këshilluese, e cila do të shërbejë direkt për parandalimin e kësaj dukurie negative që thuhet se është në rritje edhe në qytetin e Ferizajit.

“Nevoja e madhe që është krijuar, jo që kemi dyshuar që nuk është e nevojshme një qendër e tillë, por duke e llogaritur stigmën që është prezente sidomos në këtë dukuri negative, na gëzon ky fakt që me besimin më të madh do ja dalim. Do ja dalim që ti qëndrojmë sa më afër individëve dhe familjarëve në nevojë, përmes këshillimeve, përmes teknikave tona profesionale që i kemi. Dhe rininë tonë që është pasuria jonë më e madhe, ta kemi të shëndoshë”, ka thënë Musliu për Rtv Tema.

Nevojën e hapjes së një qendre të tillë e kanë konfirmuar edhe ata që merren çdo ditë me parandalimin e kësaj dukurie negative. Shkëlzen Marevci, i cili tashmë ka botuar një libër me rrëfimet e personave të varur nga droga, por edhe me familjarë viktimash në Ferizaj, tha se ky qytet duhet të bëjë më shumë rreth parandalimit të kësaj të keqe që sipas tij çdo ditë është në rritje.

“Një qendër e tillë është më se e nevojshme për qytetin e Ferizajit edhe për Kosovën, për shkak se të rinjtë kanë nevojë që dikush të jetë në mbështetjen e tyre. Dhe Arjeta, si një familjare, si një viktimë e këtij fenomeni, i ka mbledhur të gjitha forcat dhe ka marrë një iniciativë të jashtëzakonshme”, është shprehur ai për Rtv Tema.

Qendra këshilluese do të funksionojë çdo ditë pune nga ora 10:00 deri-18:00, ndërsa në të do të angazhohen profesionistë të fushave të ndryshme, të cilët me mënyrat e tyre do të kontribuojnë në parandalimin e varësisë nga drogat.

Rtv Tema

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0