Covid do të bëhet një sëmundje endemike në vitin 2024, thanë të premten drejtuesit e Pfizer, që do të thotë se virusi do të kalojë nga një emergjencë globale, në një prani të vazhdueshme duke shkaktuar shpërthime rajonale në të gjithë botën, njësoj si gripi.
“Ne besojmë se Covid do të kalojë në një gjendje endemike, potencialisht deri në vitin 2024,” tha Nanette Cocero, presidente globale e Pfizer Vaccines.
Covid-19 do të arrinte nivelin endemik kur popullatat të kenë imunitet të mjaftueshëm nga vaksinat ose nga infeksionet e mëparshme për të mbajtur nën kontroll transmetimet, shtrimet në spital dhe vdekjet edhe kur virusi qarkullon.
“Kur dhe si do të ndodhë saktësisht kjo do të varet nga evolucioni i sëmundjes, sa efektivisht shoqëria vendos të vaksinohet dhe trajtohet dhe shpërndarja e barabartë në vendet ku normat e vaksinimit janë të ulëta”, tha shefi shkencor i Pfizer, Mikael Dolsten. “Shfaqja e varianteve të reja mund të ndikojë gjithashtu në mënyrën se si pandemia do të vazhdojë.”
Koha e kalimit të Covid në një gjendje endemike mund të ndryshojë nga vendi në vend, sipas Dolsten.
“Duket sikur gjatë një ose dy viteve të ardhshme, disa rajone do të kalojnë në një model endemik ndërsa rajone të tjera do të vazhdojnë në modelin pandemik,” tha Dolsten.
Komentet nga drejtuesit e Pfizer vijnë ndërsa SHBA-të luftojnë me një rritje të rasteve të Covid të udhëhequr nga varianti delta, ndërsa omicron përhapet shpejt. Mesatarja shtatëditore e pranimeve të reja në spital për Covid u rrit me 4% nga java e kaluar, tha të Premten drejtoresha e Qendrave për Kontrollin e Sëmundjeve Rochelle Walensky në një konferencë në Shtëpinë e Bardhë.
Grumbullimi i vaksinave dhe trajtimeve për Covid si pilula orale antivirale e Pfizer mund të bëhet më e zakonshme pasi sëmundja bëhet endemike, tha Angela Hwang, presidente e grupit Pfizer Biopharmaceuticals.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English