“Kjo luftë nuk fitohet ndryshe”. Kryeministri Edi Rama ka paralajmëruar masa të rrepta ndaj koronavirusit: Durrësi dhe Tirana do të jenë në karantinë’. Për tre ditë nis ndalimi I transportit publik e privat.
Kryeministri Edi Rama, ka paralajmëruar përmes një postimi në facebook, se duke nisur nga dita e premte në 06:00 të mëngjesit deri të dielën, do të ndalohet qarkullimi i mjeteve private.
Kryeministri thotë:
Ndjesë 1000 herë por kjo luftë nuk fitohet dot ndryshe.
Nga e premtja në 06.00 deri të djelën në mesnatë do të mbyllet qarkullimi i automjeteve private dhe të transportit ndërurban drejt Tiranës dhe Durrësit apo anasjelltas nga Tirana dhe Durrësi drejt zonave të tjera të vendit.
Nga e premtja në 06.00 deri të djelën në mesnatë do të mbyllet qarkullimi i automjeteve private në Tiranë e Durrës si dhe transporti ndërurban mes Tiranës e Durrësit.
Nga e premtja në 06.00 deri të djelën në mesnatë do të mbyllet qarkullimi i automjeteve private dhe urbanëve në Shkodër, Lezhë, Elbasan, Lushnjem, Fier dhe Vlorë.
Qarkullimi në këto territore do të jetë i hapur vetëm për autoabulancat automjetet që kryejnë funksione shërbimi shtetëror dhe ato të transportit të mallrave.
Këto masa ekstreme thekson kryeminsitri janë domosdoshmëri për të mbrojtur cdo qytetar, cdo familje dhe vetë Shqipërinë nga përshkalëzimi agresiv i sulmit të coronavirusit mbi ne dhe të afërmit e të njohurit tanë.
Sipërmarrjet që kryejnë shërbime transporti mallrash apo shërbimesh, furnizime me mallra ushqimorë apo farmaceutikë në perimetrin Tiranë-Durrës, duhet të akreditojnë automjetet e transportit të punonjësve të tyre si edhe vetë punonjësit emër për emër, në Drejtorinë e Përgjithshme të Policisë së Shtetit. Ndjesë 1000 herë por kjo luftë nuk fitohet ndryshe, thotë Kryeministri Rama
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
