Drejtoria e Përgjithshme e Shërbimit të Transportit Rrugor nëpërmjet një njoftimi në faqen zyrtare ka publikuar një tjetër risi. Nëse dëshironi të importoni një mjet në Shqipëri dhe ju nevojitet informacioni i saktë për kategorinë mjedisore të mjetit, tashmë mund të aplikoni online për verifikimin e kategorisë mjedisore të mjetit në www.dpshtrr.gov.al.
Ky shërbim risi i DPSHTRR ndihmon të gjithë qytetarët që duan të importojnë/blejnë mjete nga jashtë të sigurohen që mjeti përmbush kategorinë e duhur mjedisore!
Këshillohet verifikimi i mjeteve të importuara nga vende dhe me vit prodhimi si:
- Vendet e Gjirit Persik (EBA, Kuvajt, Katar, Marok, Oman, Jemen); Koreja;
- Vendet europiane të cilat nuk janë në BE (vendet aspirante për në BE);
- Mjetet vit prodhimi 2005 e poshtë;
- Mjetet të cilat importohen nga USA, Kanadaja, Meksika dhe Japonia me vit prodhimi 2005 e poshtë.
Për më shumë: https://www.dpshtrr.al/mjete/importi-i-mjetit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
