Dizajni i rrotave të McLaren vjen i frymëzuar nga rrënjët e pemëve - Business Magazine Albania

Dizajni i rrotave të McLaren vjen i frymëzuar nga rrënjët e pemëve


Për të zvogëluar peshën e rrotave të makinës, ndërtuesit përdorin materiale si alumini, magnezi dhe fibrat e karbonit. Por për McLaren çelësi për ta zvogëluar akoma më shumë peshën është frymëzuar nga një burim i pazakontë.

“Rrënjët e pemëve mund të jenë një model i mirë për të lehtësuar peshën e rrotave të makinës,”, thotë Frank Stephenson, dizenjuesi kryesor në McLaren.

Veçanërisht ai vuri në dukje se rrënjët nuk dalin në mënyrë uniforme nga trungu i pemës. Në shumicën e rrotave boshtet ishin të vendosura në mënyrë uniforme dhe simetrike nga qendra, por Stephenson mendon se është koha që të ndryshohet ky dizajn në një formë tjetër.

Ai përshkroi modelin e tij kur shufrat vendoseshin në mënyrë të tillë që të formonin “vrima me madhësi dhe forma të ndryshme.” Kjo do të ndihmonte në eliminimin më të madh të forcave të ushtruara duke i lejuar shufrat të ishin edhe më të holla dhe më të lehta. Një dizajn i tillë mund të baraspeshonte forcat në kahe të kundërta dhe pesha e materialit të rrotave mund të zvogëlohej akoma më shumë.

Stephenson thotë që ky nuk është një model i pazakontë, pasi ka edhe objekte të tjerë që përdorin struktura të ngjashme. Ndërkohë fibrat e karbonit të orientuara, që përzihen me metalin shërbejnë si përforcues dhe ndihmojnë në uljen akoma më shumë të peshës së rrotave të automobilave.

burimi: krokodili.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0