Ditët e fundit për të aplikuar në Sfidën Rajonale Elevator Lab - Business Magazine Albania

Ditët e fundit për të aplikuar në Sfidën Rajonale Elevator Lab


Startup Grind Tirana ishte takimi i radhës ku u prezantua Sfida Rajonale Elevator Lab, e cila është në ditët e fundit të mbylljes së aplikimeve.

Zj. Anila Hoxha, Drejtore e Sigurisë pranë Raiffeisen Bank prezantoi përpara komunitetit të startup-eve e të gjithë të pranishmëve mundësinë që programi i Raiffeisen Bank ofron. Për të gjithë ata që kanë një produkt apo shërbim në fushën e Fintech, aplikimet janë ende të hapura deri më datë 3 Qershor!

Mundësia që po ofrohet për të rinjtë është prezantuar edhe në ambientet e universitetit Marin Barleti. Kjo ishte një mundësi e mirë për t’u shpjeguar të rinjve metodën e aplikimit dhe mundësitë e përfitimit. Ata u njohën gjithashtu edhe me programin e internshipit për studentët, program i cili ofron trajnim brenda ambienteve të bankës dhe punësim për personat që përzgjidhen.

Java u përmbyll me takimin në akseleratorin Ofiçina, ku pati ndërveprim e pyetje rreth programit.

“Sfida Rajonale Elevator Lab” Shqipëri & Kosovë u bën thirrje të gjithë të interesuarve, startup-eve, etj që të aplikojnë me idetë dhe zgjidhjet e tyre në fushat Regtech, Banking SME (SME Banking), Bankingu Retail (Retail Banking), Siguria Kibernetike (Cyber Security), Zgjidhjet për Kursin Valutor (FX Solutions), Klientët Korporatë & Sektori Publik (Large Corporates & Institutional Clients) dhe Analizat e Avancuara dhe Inteligjenca Artificiale (Advanced Analytics & Artificial Intelligence).

Thirrja për aplikim mbyllet më datën 3 Qershor 2019.

APLIKONI TANI për “Sfida Rajonale Elevator Lab” në Shqipëri & Kosovë dhe do të keni mundësinë që të fitoni tre çmime monetare për 3 fitues, mundësinë e një “wild card” për gjysëmfinalen e programit të partneritetit në të gjithë grupin fintech etj.

Për më shumë informacion rreth këtij programi mund të vizitoni faqen e internetit: https://elevator-lab.com/challenges/regional

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.

Na Suporto
Must watch
Business Mag Nr. #40 – Dhjetor 2025

Ky fundvit na gjen duke festuar një dekadë nga botimi ynë i parë. Një dekadë histori, rrëfime e përpjekjesh për të qenë zëri i sipërmarrjes shqiptare, për t’i dhënë hapësirë dhe MOMENTUM çdo biznesi në rrugëtimin e tij për tu rritur e triumfuar. 

Një dekadë si dokumentim i rrugës që ka përshkruar biznesi shqiptar; një dekadë që të zhyt në refletime për çfarë ka kaluar dhe të fton të mendosh sesi do të duket ekonomia e së ardhmes. 

Ndërsa hyjmë në vitin e ri 2026, duket se për bizneset dhe vendimmarrësit një realitet i ri po bëhet më se i qartë: modeli tradicional i rritjes nuk mund të jetë më i mjaftueshëm. Perspektiva europiane e Shqipërisë, teknologjia, pritshmëritë e konsumatorëve, përgjegjësia sociale dhe ajo ambientale po i imponojnë ekonomisë një transformim të domosdoshëm. Koha kërkon një ekonomi që është njëkohësisht digjitale, inovative, por edhe e qëndrueshme. 

Në kopertinë vjen Guvernatori Gent Sejko, i cili flet për një ekonomi që rritet në një dekadë trazirash globale dhe për rolin thelbësor që luan stabiliteti financiar.

Rubrika “Green” i kthehet një prej temave më të nxehta të dekadës: energjia,  klima, ekonomia qarkulluese. Shqipëria ka qenë e bekuar me burime të riciklueshme, …

See more
Follow us
0