Digi Diaspora, takimi që bëri bashkë shqiptarët e diasporës - Business Magazine Albania

Digi Diaspora, takimi që bëri bashkë shqiptarët e diasporës

~3 minuta lexim

Për të forcuar rolin e shqiptarëve të diasporës në botë, me synim forcimin e kapaciteteve të bizneseve lokale dhe komunitetit digjital, si dhe rrjetëzimit profesional,  Shoqata Shqiptare e Teknologjisë së Informacionit (AITA), e mbështetur nga Programi i Migracionit dhe Diasporës – financuar nga Ministria Federale Gjermane për Bashkëpunimin Ekonomik e Zhvillim (BMZ) dhe zbatuar nga Agjencia Gjermane për Bashkëpunimin Ndërkombëtar (GIZ), organizoi në 12 Maj një takim virtual me shqiptarët e diasporës.

Organizimi i tipit uebinar, ku përveç prezantimeve nga të ftuarit, u dha mundësia të gjithë pjesëmarrësve të bënin pyetje rreth temës së teknologjisë. Në këtë event, u fol edhe për profesionistët shqiptarë në fushën e IT-së, të cilët ushtrojnë aktivitetin e tyre jashtë Shqipërisë.

Fondi Shqiptar për Zhvillimin e Diasporës, si partner i këtij organizimi me përfaqësues përgjegjësin e sektorit të mbështetjes së sipërmarrjes Arian Leço, shprehu vlerësimin për zhvillimin e këtij eventi, i cili bashkon të gjithë shqiptarët si brenda dhe jashtë Shqipërisë. Z. Leço bëri një prezantim të institucionit dhe projekteve të FSHZHD-së.

Pesha e tematikës së kësaj konference mblodhi dhjetëra njerëz nga akademia, përfaqësues institucionesh dhe partnerë ndërkombëtarë, të cilët diskutuan mbi përshtatjen e shoqërisë me zhvillimet dhe ndikimin e teknologjisë dhe digjitalizimit në fushën e edukimit, si dhe përshtatjen e tyre me nevojat e shoqërisë moderne.

Panelistët që morën pjesë jetojnë në 4 shtete të ndryshme të botës dhe veprojnë në fusha të ndryshme të teknologjisë. Ata ishin Mira Mezini dhe Erjola Tona nga Gjermania, Andi Mullaraj nga Shtetet e Bashkuara dhe Kushtrim Xhakli nga Kosova.

Gjatë konferencës u shkëmbyen ide dhe eksperienca, në mënyrë të tillë që sakrificat dhe njohuritë e përfituara gjithë këtij viti pandemik të jenë të vlefshme në mënyrë që të ecet përpara me hapa më të shpejtë.

Takimi ishte i pari i një seri takimesh virtuale që do të organizohen në këtë kuadër. “Digi Diaspora 2” është i organizuar në tre takime në 12 Maj, 2 dhe 23 Qershor. Në Meetup #2, i cili do të mbahet në 2 Qershor 2021, do të ketë një prezantim edhe më të detajuar të “Rrjetit të profesionistëve”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Ndryshimi nuk është i dhimbshëm. Rezistenca ndaj tij është.”
— Tim Ferriss
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0