GERMIN ka njoftuar zhvillimin e Konferencës “Diaspora Flet 2023”, e cila do të mbahet me datat 18, 19, 20 maj 2023.
“Diaspora Flet” është konferenca më e madhe e diasporës shqiptare, që për të tretën herë do të bëjë bashkë qindra profesionistë, vendimmarrës dhe përfaqësues të institucioneve nga diaspora dhe vendet amë.
Samiti i diasporës online pritet të luajë një hap më shumë për fuqizimin e rolit të diasporës në Shqipëri, e njëkohësisht në vendet ku shqiptarët po jetojnë e punojnë. Një komunitet shqiptar mbarëkombëtar vjen në këtë samit për të treguar potencialin e diasporës, rëndësinë e saj në zhvillim dhe mbi të gjitha për të forcuar urat e bashkëpunimit në të ardhmen, periudhë kur diaspora shqiptare do të jetë edhe më e mirëpozicionuar.
Konferenca synon të lidhë profesionistë, biznese, komunitete, aktivistë dhe ekspertë nga diaspora nga e gjithë bota, por edhe vendet amë. Konferenca Diaspora Flet është një “thirrje” e fuqishme për angazhimin e diasporës, e cila mbahet çdo dy vjet.
Kjo konferencë ndërkombëtare mbi diasporën bashkon ligjvënës, zyrtarë qeveritarë dhe një grup të larmishëm me mbi 300 profesionistë shqiptarë, studiues, drejtues të komunitetit dhe përfaqësues të biznesit nga dhjetëra vende.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English