Dhoma Ekonomike e Gruas u kërkon institucioneve financiare të rrisin kreditimin për gratë - Business Magazine Albania

Dhoma Ekonomike e Gruas u kërkon institucioneve financiare të rrisin kreditimin për gratë

Dhoma Ekonomike e Gruas

Studimet tregojnë se gratë janë prekur më shumë nga pandemia, ndërkohë ato kanë më pak akses në financim, për shkak të hendekut të lartë gjinor në të ardhura.

Dhoma Ekonomike e Gruas, me pjesëmarrjen e rreth 100 grave sipërmarrëse në vend, zhvilloi forumin online “Gratë në Biznes në 2021”. Sfidat e gruas në biznes, ishin kryefjalë e këtij takimi, ku Dhoma theksoi nevojën e rritjes së financimit të grave në biznes.

Kryetarja e Dhomës Antolena Hako, tha se, ndër pengesat më të mëdha të grave është aksesi i ulët në shumë shërbime, përfshirë ato financiare. “Dhoma është e bindur se orientimi i parasë tek gruaja do të japë rezultate të dukshme dhe do të jetë produktive. Ndaj sugjerojmë programe grantesh për gratë, si dhe financim me interesa të ulëta. Kjo është një nevojë emergjente në kushtet e pandemisë, kur gratë rezultojnë të jenë prekur më shumë, sipas të gjitha studimeve”.

Sipas znj.Hako, “Vizioni i Dhomës është të krijojë kushte më të favorshme, ku gruaja ka më tepër mundësi dhe hapësirë për të punuar dhe dhënë kontributin e saj, duke krijuar kështu një shoqëri më të barabartë”.

Ministrja e Finanave Anila Denaj, tha në fjalën e saj se, duhet të synojmë barazi gjinore në të gjithë aktivitetet tona, duke theksuar se asnjë aktor nuk funksionon dot më vete, duke ftuar kështu për kontribut të përbashkët nga të gjitha palet.

Krijimi i kushteve paraprake për të pasur më shumë mundësi financimi, ishte një kërkesë e ngritur edhe nga z. Silvio Pedrazzi, drejtues i Bankës Intesa Sanpaolo në Shqipëri. Një nja prioritetet sipas tij duhet të jetë: Qeverisja dhe konsistenca, masat e ndërmarra. “Kam një sygjerim për
nivelin qeveritar. Duhet të vendosim disa politika për barazinë gjinore dhe t’i zbatojmë këto politika.    Ne mund të ndryshojmë menatlitetin përmes politikave të qeverisjes ne lidhje me bizneset. Ne do të rrisim portofolin e të gjitha biznesve që përfaqësohen nga gra”.

Një qasje pozitive ndaj grave në Shqipëri paraqiti zonja Elsa Hastad, ambasadore e Suedisë në vendin tonë. Ajo tha se, gruaja duhet të fuqizohet përmes financimit dhe rritjes së kapaciteteve të menaxhimit. Por vuri në dukje se, “Përfshirja e grave në biznes është rritur, por shifrat mbeten në nivele të ulëta vetëm 24,8% dhe pjesës më të madhe të tyre i duhen fonde. Prandaj, Suedia dhe Berzh janë në Shqipëri për të mbështetur gratë”.

Znj. Ardiola Hristic, Menaxhere e Programit të BERZH “Këshilla për Bizneset e Vogla” prezantoi arritjet dhe mundësitë e përfshirjës së këtij programi, duke sjellë shembuj konkretë të sipërmarrjeve të fuqizuara përmes këtij programi. Partner në këtë program është Banka Intesa San Paolo, përfaqësuesja e së cilës prezantoi kriteret e financimit.

Programet e mbështetjes nga Agjencia Shqiptare e Zhvillimit të Investimeve u prezantuan nga znj. Dilfirus Vrioni, Drejtore e Marketingut, Kërkim dhe Analizës pranë AIDA-s.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0