Dhjetë njëbrirëshit më të mëdhenj në botë kapin vlerën e mbi 560 miliardë dollarëve

Dhjetë njëbrirëshit më të mëdhenj në botë kapin vlerën e mbi 560 miliardë dollarëve

njëbrirësh

Shënim: Termi njëbrirësh (unicorn) në sipërmarrje u referohet startup-eve, që arrijnë vlerën +1 miliard dollarë.

Kur termi njëbrirësh u shfaq në 2013, ishin vetëm 40 kompani private me një vlerësim prej një miliard dollarësh në botë. Që nga ajo kohë, numri i këtyre gjigandëve financiarë u rrit 12.5 herë, duke arritur rreth 500 në shtator.

Sipas të dhënave të paraqitura nga AksjeBloggen, dhjetë kompanitë më të mëdha njëbrirësh në botë arritën një vlerësim prej 563.3 miliardë dollarë që nga shtatori. Me një vlerësim prej rreth 150 miliardë dollarë, kompania kineze e fintech, Ant Financial, ende kryeson listën e kompanive më të mëdha miliarda- dollarëshe në botë.

Më shumë se 70 njëbrirësh të rinj në vitin 2020

Në pesë vitet e fundit, Ant Financial është bërë një nga institucionet kryesore financiare në botë. Çelësi i rritjes së saj të pabesueshme qëndron në një model biznesi të bazuar në Alipay. Si një platformë për përpunimin e pagesave midis dy përdoruesve, Alipay ka më shumë se 900 milionë klientë aktivë vjetorë. Ant Financial u ofron atyre shërbime të tjera financiare, nga huazimi dhe pagesa te investimet dhe sigurimet.

Lexoni: 6 thënie motivuese për t’ju frymëzuar

Kompania regjistroi 10.5 miliardë dollarë të ardhura në gjysmën e parë të vitit, një rritje prej 38% nga viti në vit, ndërsa fitimi i saj neto u rrit gati 11 herë në 3.26 miliardë dollarë për të njëjtën periudhë.

ByteDance renditet si njëbrirëshi i dytë më i madh botërisht, sipas të dhënave të Statista dhe CBInsights. Kompania me bazë në Pekin arriti vlerësimin prej 140 miliardë dollarë që nga shtatori i vitit 2020, një rritje prej 86% që nga fillimi i vitit.

Me një vlerë tregu prej 62 miliardë dollarësh, Didi Chuxing renditet si njëbrirëshi i tretë më i madh në të gjithë botën. Ofruesi kinez i shërbimit të transportit të bazuar në aplikacione, ka më shumë se 550 milionë përdorues dhe dhjetëra miliona shoferë.

Shërbimet e saj përfshijnë ofrimin e taksive, transportimin e makinave private, udhëtimet shoqërore dhe ndarjen e biçikletave dhe shërbimet e automobilave, duke përfshirë shitjet, dhënien me qira, financimin, mirëmbajtjen, funksionimin e flotës, ngarkimin e automjeteve elektrike dhe bashkë-zhvillimin e automjeteve me prodhuesit e automjeteve.

Ofruesi i softuerit të ndërmarrjeve me bazë në New York, Infor dhe Space X përfundojnë listën e pesë njëbrirëshve më të mëdhenj në të gjithë botën, me një vlerësim prej 60 miliardë dollarë dhe 46 miliardë dollarë, përkatësisht.

Lexoni: Si të mbani punonjësit tuaj të shëndetshëm ndërsa ata punojnë nga shtëpia

Të dhënat e CBInsights zbuluan se 73 kompani u bashkuan me klubin e njëbrirëshve në vitin 2020, ndërsa vlera e kombinuar e të gjithë njëbrirëshve në botë arriti mbi 1.5 trilionë dollarë në shtator.

85% e njëbrirëshve janë nga Kina dhe Shtetet e Bashkuara

Analizuar nga shtrirja gjeografike, Shtetet e Bashkuara janë tregu kryesor i njëbrirëshave, me 236 kompani të vlerësuara me një miliard dollarë ose më shumë. Kina u rendit e dyta me 182 të tillë deri në shtator. Mbi 400 njëbrirësh të botës, gati 85% e të gjitha firmave të tilla, janë të vendosura në Kinë dhe SH.B.A., zbuluan të dhënat e CBInsights.

Mbretëria e Bashkuar përfaqëson tregun më të madh të njëbrirëshave në Evropë dhe të tretin për nga madhësia globalisht, me 25 nga këta gjigandë financiarë. Pasojnë India dhe Gjermania, përkatësisht me 21 dhe 13 njëbrirësh.

Statistikat tregojnë se shumica e njëbrirëshve në botë, ose më shumë se një e treta e tyre, janë aktive në segmentin e shërbimeve dhe programeve kompjuterike dhe softuerëve. 60 startup-e të tjera me pronësi private me një vlerësim prej mbi një miliard dollarë janë përqendruar në tregtinë elektronike.

Inteligjenca artificiale është tregu i katërt më i madh i njëbrirëshëve me 46 kompani. Pasojnë industria shëndetësore dhe telekomunikacioni, përkatësisht me 41 dhe 36 njëbrirësh.

Aksje Bloggen

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0