Rubicon është një entitet i licencuar nga Banka e Shqipërisë si Institucion i Parasë Elektronike dhe një Principal Member i Mastercard, i cili ofron zgjidhje inovative në fushën e pagesave elektronike përmes aplikacionit të tij Pago.al, si dhe shërbime të tjera si lëshimi i kartave të debitit dhe pajisjeve POS dhe vPOS për pagesa.
Kjo lëvizje strategjike nga dev.al shënon një pikë kyçe në historinë e saj, duke e pozicionuar atë jo vetëm si lider në ofrimin e zgjidhjeve të softuerit, por edhe si një lojtar kyç në tregun e shërbimeve financiare dhe zgjidhjeve të pagesave elektronike. Me një portofol impresiv klientësh që përfshin më shumë se 20,000 subjekte tregëtare në Shqipëri, dev.al është tashmë i njohur për përkushtimin e saj ndaj inovacionit, cilësisë dhe shërbimit të klientit. Shtimi i Rubicon dhe Pago në grupin e saj të kompanive pritet të ofrojë një gamë më të gjerë të zgjidhjeve për klientët, duke u mundësuar atyre menaxhim më të lehtë të transaksioneve financiare dhe një eksperiencë të përmirësuar të përdoruesit.
Lexo edhe: dev.al, kompania që u rrit me ritme të shpejta
“Jemi shumë të kënaqur që kemi përfunduar këtë marrëveshje. Pasi jemi pozicionuar si kompania lider në ofrimin e zgjidhjeve për faturimin dhe shitjet, zgjerimi i ofertës sonë me një zgjidhje pagesash ishte një hap i natyrshëm për ne.” tha Igli Gjelishti, themelues dhe drejtues i Dev.al. “Kjo blerje paraqet një mundësi strategjike, për të zgjeruar praninë tonë në sektorin e shërbimeve financiare dhe për të përmbushur nevojat e klientëve tanë. Së bashku, jemi të gatshëm të ofrojmë zgjidhje inovative që promovojnë rritjen dhe inkurajojnë përfshirjen financiare”, shtoi ai.
Si pjesë e Grupit Dev.al, Rubicon dhe Pago do të vazhdojnë të operojnë nën markat e tyre ekzistuese, duke shfrytëzuar burimet dhe ekspertizën e dev.al për të shpejtuar trajektoren e rritjes së tyre. Sinergjitë midis dy kompanive do të hapin rrugën për zhvillimin e përmirësuar të produkteve, penetrimin më të lartë të tregut dhe shërbim më të mirë ndaj klientëve.
“Jemi entuziastë për mundësitë që na presin pas bashkimit me Dev.al,” tha Eno Kotmilo, CEO i Rubicon. “Ky partneritet, jo vetëm që forcon pozicionin tonë në treg, por gjithashtu na lejon të ofrojmë zgjidhje më të plota për klientët tanë. Së bashku, jemi të pozicionuar mirë për të udhëhequr rrugën në formësimin e të ardhmes së pagesave elektronike në Shqipëri dhe përtej.”
Përfundimisht, kjo marrëveshje midis dev.al dhe Rubicon shënon një moment të rëndësishëm në zhvillimin e ekosistemit të teknologjisë financiare në Shqipëri, duke premtuar zgjidhje më të avancuara dhe inovative për klientët dhe duke kontribuar në përmirësimin e aksesit dhe përfshirjes financiare në rajon.
Për më shumë informacion rreth Dev.al dhe Rubicon, ju lutemi vizitoni dev.al dhe pago.al.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English