Dell është kompania e fundit teknologjike nga perëndimi që është larguar nga tregu rus, duke mbyllur kështu zyrat e saj në këtë vend.
Kompania amerikane, ishte një prej furnizuesve kryesor në Rusi, që iu bashkua kompanive tjera të larguara nga Rusia që, kur Moska filloi pushtimin e Ukrainës në fund të shkurtit.
Dell ka pezulluar të gjitha shitjet në Ukrainë dhe Rusi në shkurt me pretendimin se do të monitorojë situatën për të vendosur për hapat e mëtutjeshëm.
“Në mes të gushtit, kemi mbyllur zyrat tona dhe kemi ndërprerë punën në tërë territorin e Rusisë”, tha Mike Siemienas, zëdhënës në Dell.
“Në fund të shkurtit, morëm vendim të mos shesim, ndërpremë shërbimet dhe mbështetjen teknike për produktet tona në Rusi, Bjellorusi, Donetsk dhe Luhansk të Ukrainë si dhe Krimenë e aneksuar”, tha ndër tjera Siemienas.
Kujtojmë që Rusia pati aneksuar Gadishullin e Krimesë nga Ukraina në vitin 2014, ku më vonë – përkatësisht në shkurt të këtij viti iu bashkuan rajonet Donetsk dhe Luhansk – lëvizje kjo që është dënuar nga Ukrainai dhe vendet perëndimore, duke e cilësuar si veprim i kundërligjshëm.
Në anën tjetër ministria ruse e Industrisë, ka njoftuar se shumë hulumtues dhe inxhinierë që punonin më parë për Dell në Rusi, u është ofruar vendi i ri i punës.
reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
