CRCA: Të bëhen ligje më të forta, fëmijët shqiptarë mbeten të rrezikuar nga shfrytëzimi seksual dhe trafikimi

ECPAT International dhe CRCA/ECPAT Shqipëri kanë publikuar raportin “Shqipëria: Shfrytëzimi i fëmijëve për qëllime seksuale”, i cili është raporti më i fundit ndërkombëtar, që fokusohet tek evidentimi i rreziqeve që ekspozojnë fëmijët në trafikim, shfrytëzim seksual, pornografi dhe turizëm seksual. Raporti u prezantua edhe në kuadër të Ditës Europiane kundër Trafikimit të Personave, duke sjellë një realitet shqetësues për fëmijët në Shqipëri, të cilët vijojnë ende të jenë viktima të shfrytëzimit seksual dhe trafikimit në vendet fqinje si Kosova, Maqedonia, Mali i Zi, Greqi, apo vendet e BE-së si Italia, Holanda, Gjermania dhe Mbretëria e Bashkuar.

Raporti “Treguesit e Përgjithshëm të Vendit, Shqipëria: Shfrytëzimi i fëmijëve për qëllime seksuale” nga ECPAT International, organizata më e madhe në botë që lufton kundër shfrytëzimit seksual të fëmijëve dhe trafikimit të tyre, paraqet shkallën, format dhe kontekstin e shfrytëzimit të fëmijëve në Shqipëri dhe faktorët që nxisin apo mbajnë gjallë shfrytëzimin e fëmijëve. Përgjatë prezantimit online të Raportit, Drejtori i CRCA/ECPAT Shqipëri, Altin Hazizaj, nënvizoi faktin se: “Raporti tregon se Shqipëria ka nevojë të ketë një qasje tërësisht të re përkundrejt fenomeneve që nxisin shfrytëzimin seksual apo trafikimin e fëmijëve. Plani i ri i Veprimit kundër trafikimit të qenieve njerëzore duhet që përfundimisht ta heq Shqipërinë nga harta e vendeve me trafikim të fëmijëve për qëllime seksuale.”

Vetëm në dy vitet e fundit Shqipëria renditet në vendin e parë për numrin e fëmijëve të pashoqëruar në Itali, duke numëruar rreth 1393 minorenë të pashoqëruar nga prindërit në këtë vend dhe një target i lehtë për tu trafikuar e shfrytëzuar, ndërkohë që të paktën 200 fëmijë nga Shqipëria raportohen çdo vit të trafikuar në Mbretërinë e Bashkuar. Personat vulnerabël shpesh janë viktima jo vetëm të shfrytëzimit seksual, por edhe punës së detyruar, skllavërisë, apo edhe shitjes së organeve. Raporti ndër të tjera evidenton faktin e përfshirjes së familjeve në trafikimin e fëmijëve të tyre. Një vit më parë raport i Europol-it tregoi se në shumicën e rasteve të trafikimit të fëmijëve shqiptarë drejt vendeve të BE-së për shfrytëzim seksual, familjet e viktimave ishin përfshirë në procesin e trafikimit të fëmijëve të tyre. Raporti “Shqipëria: Shfrytëzimi i fëmijëve për qëllime seksuale”, bazohet në renditjen e vendeve në Indeksin Global të Shfrytëzimit Seksual të Fëmijëve të Njësisë së Inteligjencës të The Economist – ku vendi ynë pozicionohet mes vendeve si Xhamajka e Mongolia, duke marrë notën 49.8, shumë larg vendeve të tjera të Ballkanit apo Europës Lindore.

LEXO: Siguria e fëmijëve në internet. Qendra për të Drejtat e Fëmijëve në Shqipëri bën marrëveshje me Google

Raporti po ashtu sjell në vëmendje situatën e fëmijëve Romë, të cilët janë veçanërisht të prekshëm ndaj trafikimit për qëllime të shfrytëzimit seksual për shkak të mbi-përfaqësimit të tyre në popullatat e fëmijëve të rrugës. Martesat e hershme të fëmijëve apo ato të detyruara mbështeten gjithashtu një problem që ekspozon vajzat drejt shfrytëzimit seksual, prostitucionit dhe trafikimit.

Përsa i përket kornizës ligjore, ndonëse vendi ynë ka ligje të forta përsa i përket dhunës seksuale, përsëri ato nuk ndalojnë në mënyrë specifike blerjen e shërbimeve seksuale nga fëmijët, as angazhimin ose kërkimin e një fëmije me qëllim të shfrytëzimit seksual përmes prostitucionit. Meqenëse ligji nuk bën asnjë dallim midis prostitucionit të fëmijëve dhe të rriturve, ekziston rreziku që fëmijët të trajtohen si shkelës të ligjit në lidhje me këtë fenomen- pra si persona që kryejnë një krim kur në fakt ata janë viktima të shfrytëzimit. Raporti i ECPAT International është një mjet efektiv për të avokuar për eliminimin e shfrytëzimit seksual dhe trafikimit të fëmijëve në të gjitha nivelet, si dhe për të monitoruar dhe analizuar angazhimet e Qeverisë dhe mekanizmave të tjerë për mbrojtjen e fëmijëve nga çdo formë shfrytëzimi.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale