Janë me mijëra viktimat që kanë humbur jetën nga aksidentet rrugore në mbarë botën vetëm për shkak të mungesës së ndihmës së shpejtë në momentin e duhur.
Ndodh që këto të fundit njoftohen me vonesë, ndodh që kanë të vështirë të lokalizojnë me saktësi vendndodhjen e një aksidenti. Pikërisht këtë synon të zgjidhë një aplikacion i ri i hedhur në treg dhe i quajtur “CrashDetect”.
Aplikacioni u vjen në ndihmë të gjithë drejtuesve të mjeteve dhe përmes llogaritjes së forcës së gravitetit në lëvizje, aktivizohet në momentin e përplasjes dhe dërgon një sinjal alarmi në spitalin apo qendrën spitalore më të afërt.
Bashkë me alarmin, aplikacioni siguron edhe të dhënat e sakta të vendndodhjes së aksidentit, të dhëna që mund të përdoren nga ekipi i urgjencës për të mbërritur sa më parë në vendin e ngjarjes.
Aplikacioni është duke u testuar në Afrikën e Jugut dhe krijuesit e tij synojnë që ta zgjerojnë këtë shërbim fillimisht në Shtetet e Bashkuara dhe vendet e Europës dhe më pas në gjithë botën.
Burimi: Top Channel
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
