Pandemia e Covid-19 ka futur në krizë edhe shtypin e shkruar. Revista muzikore ”Q” në Britaninë e Madhe do të mbyllet, pas 34 vjetësh në treg. Drejtori i Përgjithshëm i revistës mujore, Ted Kessler ka bërë të ditur se koronavirusi e dëmtoi shumë rëndë këtë biznes. Revista ”Q” ishte e vetmja që publikonte informacione dhe detaje muzikore nga artistë të ndryshëm botëror.
I have some bad news about @QMagazine. The issue that comes out on July 28 will be our last. The pandemic did for us and there was nothing more to it than that. I have attached our final cover and my editor’s letter for context.
On the plus side, we’re all available for work. pic.twitter.com/rm8qOcUBtB— Ted Kessler (@TedKessler1) July 20, 2020
Kessler është shprehur se janë munduar për më shumë 4 muaj që kur pandemia u përhap që të shmangin falimentimin dhe revista të vazhdonte që të printohej, por kriza u thellua edhe më shumë. Bauer Media Group, e cila ndodhet në Gjermani është kompania mëmë për revistën ”Q”, ka deklaruar se stafi u përgjysmua që në fillim të muaj Prill dhe humbjet ishin shumë të mëdha.
E themeluar në vitin 1986 nga gazetarët e muzikës Mark Ellen dhe David Hepworth, ”Q” fitoi popullaritet të madh në analizën që i bënte muzikës rrok në Britani. Numri i ri, por i fundit që do të dale në shitje në 28 Korrik do të titullohet “Aventurat e Legjendave 1986 deri 2020” dhe do të përmbajë intervistat më të famshme, me David Bowie, Joni Mitchell dhe Prince.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
