COVID-19, Vetëm 8 të infektuar në 3 bashki të vendit

8 pacientë me koronavirus janë identifikuar 24 orët e fundit, duke e çuar totalin e të prekurve në 803. Eugena Tomini, nga ISHP, bëri me dije se, nga këto 5 raste janë në Tiranë, 2 në Elbasan dhe 1 rast në Durrës. Gjatë gjithë kësaj jave shifrat kanë qenë të qëndrueshme. Është shënuar edhe përqindja e pozitivitetit më të ulët që nga fillimi i epidemisë me 4.3 %.

68 përqind e të infektuarve ose 543 prej tyre janë shëruar.

Lexoni: Fillon aplikimi i masave të reja lehtësuese, taksi për udhëtime ndërqytetase

Në 24 orët e fundit janë testuar 140 persona të dyshuar, ndërsa në total që prej fillimit të marsit janë testuar 9006 persona, prej të cilëve janë:

– 803 të infektuar,

– 31 viktima;

–  543 të shëruar,

–  229 të infektuar aktivë;

Në dy spitalet COVID aktualisht po marrin shërbim 34 pacientë, ku vetëm 7 është në terapi intensive.

Shpërndarja gjeografike e rasteve aktive, deri më 4 maj është si vijon:

Tiranë               93 pacientë;

Krujë                 87 pacientë;

Shkodër             17 pacientë;

Kurbin                14 pacientë;

Kukës                  5 pacientë;

Elbasan                4 pacientë;

Mirditë                 2 pacientë;

Berat                     2 pacientë;

Durrës                   1 pacient;

Korçë                    1 pacient;

Lezhë                    1 pacient;

Lushnje                 1 pacient;

Mat                         1 pacient.