COVID-19, Shtyhet Samiti i Zagrebit për Ballkanin Perëndimor 

COVID-19, Shtyhet Samiti i Zagrebit për Ballkanin Perëndimor 


Samiti i Zagrebit për Ballkanin Perëndimor do të shtyhet për një afat të pacaktuar, si pasojë e masave kundër Covid-19. Vendimin për shtyrjen e samitit, të planifikuar fillimisht më 7 maj, e ka marrë Kryesia Kroate e Këshillit të Bashkimit Evropian.

Data e re do të vendoset pas bisedimeve me Këshillin Europian. Në rast se deri në qershor, zhvillimi i samitit në Zagreb do të jetë i pamundur, atëherë ai do të zhvillohet në mënyrë virtuale deri në fund të presidencës kroate, më 30 qershor.

Samiti i Ballkanit Perëndimor në Zagreb është planifikuar si një nga ngjarjet kryesore të Presidencës Kroate, me qëllim mbledhjen e liderëve të BE-së dhe rajonit për herë të parë që nga Samiti i Sofjes në maj 2018.

Në këtë samit marrin pjesë liderët e Shqipërisë, Kosovës, Malit të Zi, Serbisë, Maqedonisë së Veriut e Bosnje-Hercegovinës dhe drejtuesit e institucioneve të BE-së.

Samiti supozohet të shërbejë si fillimi i takimeve të rregullta midis Ballkanit Perëndimor dhe BE-së dhe do të vijojnë të takohen të paktën një herë në vit.

Një tjetër qëllim i presidencën kroate ishte hapja e negociatave me Shqipërinë e Maqedoninë e Veriut, e cila u arrit.

Pas Kroacisë, më 1 korrik 2020, presidencën e Këshillit Europian e merr Gjermania.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #33 - Nëntor 2023

Numri 33 i revistës tonë, i cili me krenari mund të quhet “Revista e Personazheve.” Në këtë numër, jemi fokusuar në trajtimin e personaliteteve të shquara në fusha të ndryshme, brenda dhe jashtë kufijve të vendit tonë.

Dinamika e emigracionit ka bërë që shqiptarët të kontribuojnë në mënyra të ndryshme në vende të shumta të botës, duke ruajtur gjithmonë lidhjen me atdhen. Numri ynë i ri shpalos ngjarjet dhe angazhimet e tyre, duke sjellë në fokus dinamikën e tyre në ekonominë globale.

Në faqet e revistës, do të njiheni me personalitete të rëndësishme si Drita Ivanaj, e cila me fondacionin e saj ndihmon në avancimin e arsimit dhe kulturës. Gjithashtu, do të përfshihemi në misionin e dr. Skënder Myrtezanit dhe anëtarëve të Vatra Queens, New York, për kthimin e eshtrave të At Fan Nolit në Shqipëri.

Marjana Koçeku, …

Shiko më shumë
Na ndiqni në rrjetet sociale
0