Sipas Ministrisë së Shëndetësisë, i sëmuri nga Kavaja, 43 vjeç, ndodhej në terapi intensive. Gjendja e tij u përkeqësia dje në mbrëmje, dhe ai u vendos në frymëmarrje të drejtuar me respirator por nuk mundi të mbijetojë.
Ai nuk vuante nga sëmundje të tjera, por ishte shumë mbi peshë.
Gjatë mëngjesit të sotëm ndërroi jetë edhe një pacient 61-vjeçar i shtruar në spitalin Infektiv, i konfirmuar me COVID-19, i cili ndodhej në terapi intensive.
61-vjeçari nga Tirana është vendosur në frymëmarrje të drejtuar (respirator) për disa orë, por pavarësisht përpjekjes së mjekëve, nuk ka mundur të mbijetojë. 61-vjeçari kishte sëmundje bashkëshoqëruese.
Në një njoftim të dytë nga Ministria e Shëndetësisë, u tha se pacienti 61- vjeçar pësoi vdekje klinike, por është ende në spital.
Mbrëmjen e djeshme ndërroi jetë një 71-vjeçar, nga Kuçova, i cili para se të prekej nga virusi, vuante edhe nga disa sëmundje të tjera.
Lexoni: Koronavirus, Conte: Na presin javë shumë të vështira
Sipas autoriteteve shëndetësore i moshuari vdiq nga një ndërlikim i menjëhershëm në zemër ndërsa vuante nga: kancer në mushkëri, diabeti, fibrilacion arterial dhe hipertension.
Numri i rasteve me të infektuar nga Covid-19 në Shqipëri është 89, prej të cilëve 5 kanë vdekur dhe 3 të tjerë kanë mundur të shërohen.
Në 24 orët e fundit kanë humbur jetën 3 persona.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
