Njësia evropiane për mbushjen e pijeve të kompanisë Coca-Cola tha të hënën se ka urdhëruar një tërheqje masive të pijeve Coke, Sprite dhe të tjera, pasi ka vërejtur nivele të larta të kloratit të cilat mund të paraqesin rreziqe shëndetësore.
Kompania tha se kanaçet dhe shishet e qelqit që kishin nivele të larta të kësaj substance ishin shpërndarë në Belgjikë, Holandë, Britani, Gjermani, Francë dhe Luksemburg që nga nëntori i vitit të kaluar nga kompania Coca-Cola Europacific Partners në Belgjikë. “Nuk kemi një shifër të saktë, por është e qartë se është një sasi e konsiderueshme”, tha kompania lidhur me sasinë e pijeve me nivele të larta të substancës kimike. Sipas Coca-Cola Europacific Partners Belgium, kanaçet dhe shishet e qelqit me nivele të rritura të kësaj substance janë shpërndarë në Belgjikë, Holandë, Britani, Gjermani, Francë dhe Luksemburg që nga muaji nëntor. “Nuk kemi një shifër të saktë, por është e qartë se bëhet fjalë për një sasi të konsiderueshme,” deklaroi kompania.
Çfarë është klorati dhe pse është i rrezikshëm?
Klorati është një përbërës që mund të gjendet në ushqime, pasi rrjedh nga dezinfektantët me klor që përdoren gjerësisht në trajtimin e ujit dhe përpunimin e ushqimit. Sipas një raporti shkencor të Autoritetit Europian të Sigurisë Ushqimore (EFSA) në vitin 2015, ekspozimi afatgjatë ndaj kloratit mund të përbëjë një rrezik për fëmijët, sidomos për ata me mungesë të lehtë ose të moderuar të jodit.
Lexo edhe:FDA: “Konsumimi i patatinave Lay’s mund të jetë fatal për disa njerëz”
Masa të marra dhe reagimi i Coca-Cola
Coca-Cola Europacific Partners Belgium bëri të ditur se shumica e produkteve të prekura, që ende nuk ishin shitur, janë hequr tashmë nga raftet dhe se kompania po vazhdon të marrë masa për tërheqjen e plotë të tyre nga tregu. Megjithatë, dega franceze e Coca-Cola deklaroi se analiza e kryer nga ekspertë të pavarur “konkludoi se probabiliteti i një rreziku të lidhur me këtë substancë është shumë i ulët”. “Kompania nuk ka marrë asnjë ankesë nga konsumatorët për këtë çështje,” theksoi dega franceze. Edhe pse disa nga dërgesat e prekura të Coca-Cola dhe Fuze Tea kanë mbërritur në Francë, për momentin, urdhri për tërheqje nuk zbatohet për tregun francez.
Produktet e prekura dhe kodet e prodhimit
Coca-Cola Europacific Partners kërkoi ndjesë për tërheqjen, duke sqaruar se problemi u zbulua gjatë një kontrolli rutinë në fabrikën e saj të prodhimit në Ghent, Belgjikë.
Produktet e prekura kanë kodin e prodhimit nga 328 GE deri në 338 GE, dhe përfshijnë markat:
Minute Maid
Nalu
Royal Bliss
Tropico
“Kompania është në kontakt me autoritetet përkatëse në secilin prej tregjeve të prekura për të koordinuar masat e mëtejshme,” përfundoi Coca-Cola Europacific Partners.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
