Çmimi i naftës arrin nivel rekord në tregun vendas. Ministria e Financave ka bërë të ditur se Bordi i Transparencës vendosi që çmimi i naftës të rritet me 10 lekë, duke arritur në 258 lekë/litër duke nisur nga e mërkura ora 18:00.
Ky është niveli më i lartë i çmimit i shënuar pas krijimit të Bordit. Në fillim të muajit mars, çmimi u prezantuar në 260 lekë/litër nga 190-195 lekë/litër që ishte një ditë më parë. Kjo situatë zgjati vetëm pak ditë, pasi qeveria vendosi ngritjen e një bordi transparence.
Lexo: Çmimi i naftës rritet në nivele rekord. Rritje edhe për benzinën, gazi i pandryshuar
Sipas të dhënave zyrtare që raportojnë vendimet e këtij bordi, benzina dhe gazi shënojnë një ulje shumë të lëhtë, duke u tregtuar në pikat e karburantit përkatësisht 243 lekë, (nga 244 lekë) dhe do të jetë 86 lekë/litri me pakicë dhe i shitjes me shumicë 74 lekë/litër për automjetet (më herët gazi me pakicë është tregtuar me 90 lekë litri.
Edhe në tregun ndërkombëtar çmimi i naftës ka arritur nivelet e tij më të larta, duke arritur pikun e shënuar në muajin mars, prej 122 dollarë për fuçi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
