Çmimi i naftës ka arritur nivele rekord në tregun shqiptar këtë fundjavë. Pasi tejkaloi “kufirin psikologjik” prej 200 lekë/liter, të Premten në disa pika karburanti, gjatë fundjavës çmimi arriti në 230 l/litër, e madje edhe më shtrenjtë në disa pika të tjera shitje. Gjatë javës, Konfindustria i kërkoi qeverisë uljen e barrës fiskale, ndërsa ditët e fundit Shoqata e Konsumatorëve u ka drejtuar një letër Autoritetit të Konkurrencës dhe Kryeministrit.
Ndërsa shqetësimi ka prekur mbarë shoqërinë për efektin zinxhir që kjo rritje do të sjellë në kostot e produkteve të tjera, Shoqata e Hidrokarbureve ka dalë me një njoftim për shtyp.
Sipas kësaj deklarate, rritja e çmimit po vjen si shkak i vështirësive në furnizim dhe problemeve të tregut të krijuara nga lufta në Ukrainë.
E prekur nga lufta, sipas Shoqatës së Hidrokarbureve, çmimet mund të rriten edhe më tej, ose situata mund të qetësohet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
