Labeat Matoshi, student i vitit të dytë në Shkenca Kompjuterike në Kolegjin Universum, ka arritur të krijojë një aplikacion të thjeshtë por shumë funksional, të quajtur Click Speed Test brenda një kohe shumë të shkurtër.
I riu nga Prishtina, i cili është në hapat e para në fushën e programimit në Shkenca Kompjuterike në Kolegjin Universum, synon të përditësoj përdorimin e aplikacionit për të sjell funksione dhe veçori të reja në mënyrë të vazhdueshme.
Programi i Shkencave Kompjuterike në Kolegjin Universum është i fokusuar më tepër në Zhvillim Software-i dhe kurrikula është e vetmja në Kosovë, e bazuar në rekomandimet e ACM dhe IEEE, trupat kryesore botërore për shkenca kompjuterike, duke i mundësuar studentëve të avancohen në programim.
Aplikacioni Click Speed Test, brenda pesë sekondave, përdoruesve të këtij aplikacioni mjaft atraktiv iu kërkon të klikojnë sa më shpejtë të jetë e mundur, ekranin në një hapësirë të kufizuar me ngjyrë blu duke testuar kështu shpejtësinë e gishtave të tyre.
Edhe pse është në versionet e para të zhvillimit, aplikacioni ka arritur të vlerësohet dukshëm në Play Store, ku ka marrë vlerësimin 4.8 nga ajo maksimale 5.0.
Click Speed Test aktualisht është në dispozicion vetëm për platformën Android. Aplikacioni mund të shkarkohet në të gjithë telefonat që posedojnë version më të ri se Android 4.2 Jelly Bean. Për të instaluar aplikacionin, klikoni në këtë link.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
