Citimet e Nënë Terezës ju frymëzojnë të jeni një njeri më i mirë!

*Shkruar nga Bill Murphy, Inc.

Ndër portalet e ndryshëm të sipërmarrjes, është e zakonshme të gjejmë citime frymёzuese nga figura liderash. Por ky artikull është pak ndryshe, sepse përfshin një figurë ndryshe nga kёta tё fundit: Nënë Terezën, një murgeshë shqiptare katolike e cila shpenzoi të gjithë jetën e saj midis të varfërve në Kalkuta, dhe e cila zyrtarisht do të shpallet shenjtore në Shtator. (Vetë Papa Françesku e shpalli lajmin më 15 mars 2016)

Një laureate e çmimit Nobel për Paqen, Nënë Tereza kishte një jetë më të komplikuar se ç’pandehnin njerëzit për të në atë kohë, duke përfshirë një luftë të gjatë dhe të fshehtë me besimin e saj.

Mё poshtё janё 20 citimet e saj mё frymёzuese, edhe 19 vite pas vdekjes sё saj njerёzit vazhdojnё ende tё frymёzohen.

1. “Unë e di se Zoti nuk do të më japë asgjë që nuk mund ta përballoj. Vetëm uroj që të mos ketë shumë besim te unë.”

2. “Jeto në mënyrë të thjeshtë, që të tjerët të paktën të mund të jetojnë.”
(I atribuohet shpeshherë në mënyrë jo korrekte Gandit)

3. “Të qënit i padëshiruar, të të mos duan, të mos kenë kokëçarje për ty, unë mendoj se kjo është një uri më e madhe, varfëri më e madhe se ai person që nuk ka asgjë të hajë.”

4. “Ajo që ne ndjejmë se bëjmë është vetëm një pikë uji në oqean. Por oqeani do të ishte më i pakët për shkak të asaj pike që mungon.”

5. “Paqja fillon me një buzëqeshje.”

6. “Dashuria fillon në shtëpi, dhe nuk ka të bëjë me mënyrën se si e bëjmë…por sa dashuri vendosim kur bëjmë atë veprim.”

7. “Ji mirënjohës në gjërat e vogla sepse në to gjendet fuqia jote.”

8. “Gëzimi është lutje; gëzimi është fuqi; gëzimi është dashuri; gëzimi është një rrjetë dashurie me të cilën mund të kapni shpirtra.”

9. “Shpërndaj dashuri kudo që shkon. Mos lejo që askush që vjen te ty të largohet më pak i lumtur.”

10. “Një nga sëmundjet më të mëdha është të jesh askushi për gjithkënd.”

10 thënie të tjera do t’i publikojmë në një artikull të ngjashëm më vonë.