Kryeqyteti austriak u votua si “qyteti më i jetueshëm në botë” nga The Economist pjesërisht për shkak të transportit të tij publik. Transporti publik është pjesë e asaj që e bën Vjenën qytetin më të jetueshëm në botë, por çfarë e bën lëvizshmërinë kaq të mirë në qytet?
Qyteti ka një popullsi prej rreth dy milionë banorësh dhe afërsisht gjysma e tyre kanë një leje transporti, sipas Josef Taucher, një anëtar i këshillit të qytetit të Vjenës nga Partia Social Demokrate.
“Është 1 euro në ditë dhe kjo ka qenë tarifa që nga viti 2012. Dhe ka një ndikim masiv në mbrojtjen e klimës,” tha Taucher, duke theksuar përballueshmërinë e lejes vjetore që kushton 365 €.
Qeveria e qytetit u angazhua për ta bërë Vjenën neutrale ndaj klimës deri në vitin 2040 në një udhërrëfyes dy vjet më parë. Sipas statistikave të qytetit, tre në dhjetë persona në Vjenë përdorin transportin publik dhe më shumë se një e treta e banorëve të qytetit udhëtojnë në këmbë, ndërsa vetëm një e katërta përdorin makina për të udhëtuar.
Një sondazh i fundit tregoi gjithashtu një shkallë pëlqyeshmërie prej 91% në lidhje me transportin publik, duke e vendosur Vjenën në vendin e parë në podium nga 83 qytete në Evropë. Megjithatë qyteti ende po punon për zgjerimin e rrjetit të transportit publik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
