Premtimi se “programimi sjell prosperitet” ka rënë zyrtarisht poshtë. Sipas një studimi të fundit të Bankës Federale të Rezervave të Nju Jorkut, të diplomuarit e rinj në shkencat kompjuterike po përballen me norma papunësie nga 6.1% deri në 7.5% më shumë se dyfishi i nivelit të papunësisë për të diplomuarit në biologji apo histori arti. Një artikull goditës i The New York Times hedh dritë mbi atë që po ndodh në terren.
Historitë individuale janë thuajse të pabesueshme. Manasi Mishra, 21 vjeç, u diplomua në Universitetin Purdue pasi i ishte premtuar një pagë fillestare me gjashtë shifra. Megjithatë, pas diplomimit, ajo mori vetëm një intervistë pune në restorantin Chipotle. (Nuk e fitoi vendin e punës.) Zach Taylor ka aplikuar për gati 6,000 pozicione në teknologji që prej diplomimit në Universitetin Shtetëror të Oregonit në vitin 2023, duke siguruar vetëm 13 intervista dhe asnjë ofertë pune. Madje iu refuzua edhe një aplikim tek McDonald’s për “mungesë përvoje”.
Lexo edhe: Ankesat për GPT-5 detyrojnë OpenAI të shqyrtojë rikthimin e modelit të vjetër
Shkaktarët e dyshuar? Programimi me inteligjencë artificiale po eliminon pozicionet për fillestarët, ndërsa gjigantët si Amazon, Meta dhe Microsoft po shkurtojnë vendet e punës. Studentët thonë se janë të ngujuar në një “cikël apokaliptik të AI-së” ata përdorin AI për të aplikuar masivisht, ndërkohë që kompanitë përdorin AI për t’i refuzuar automatikisht, ndonjëherë brenda minutash.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
