Një 60-vjeçar australian pa histori sëmundjesh mendore u paraqit në departamentin e urgjencës së spitalit duke këmbëngulur se fqinji i tij po e helmonte. Gjatë 24 orëve në vijim ai pati halucinacione që po përkeqësoheshin dhe u përpoq të arratisej nga spitali.
Mjekët përfundimisht zbuluan se burri po ndiqte një dietë të përditshme me bromur natriumi, një kripë inorganike që përdoret kryesisht për qëllime industriale dhe laboratorike, si pastrimi dhe trajtimi i ujit.
Ai e bleu atë në internet pasi ChatGPT i tha se mund ta përdorte në vend të kripës së kuzhinës, sepse ishte i shqetësuar për ndikimet shëndetësore të kripës në dietën e tij. Bromuri i natriumit mund të grumbullohet në trup duke shkaktuar simptoma që përfshijnë halucinacione.
Raste të tilla e kanë shqetësuar studiuesin Alex Ruanin në lidhje me lançimin e ChatGPT Health në Australi.
Lexo edhe:E thotë shkenca! Si të ndiheni “on top” kur nis një vit i ri!
Ai theksoi se ChatGPT Health po prezantohet si një ndërfaqe që mund t’i ndihmojë njerëzit të kuptojnë informacionin shëndetësor dhe rezultatet e testeve ose të marrin këshilla për dietën.
Ruani tha se kishte pasur shumë shembuj të ChatGPT lënin jashtë detaje kyçe të sigurisë si efektet anësore, paralajmërimet për alergji ose rreziqet rreth shtesave, ushqimeve, dietave ose praktikave të caktuara.
“Ajo që më shqetëson është se nuk ka studime të publikuara që testojnë posaçërisht sigurinë e ChatGPT Health”, tha Ruani. “Cilat kërkesa të përdoruesit, shtigje integrimi ose burime të dhënash mund të çojnë në kequdhëzime ose dezinformata të dëmshme?”.
ChatGPT është zhvilluar nga OpenAI, e cila përdori mjetin HealthBench për të zhvilluar ChatGPT Health. HealthBench punëson mjekë për të testuar dhe vlerësuar se sa mirë performojnë modelet e IA-së kur u përgjigjen pyetjeve shëndetësore.
Një zëdhënës i OpenAI i tha Guardian Australia se kompania kishte punuar në partneritet me më shumë se 200 mjekë nga 60 vende për të këshilluar dhe përmirësuar modelet që fuqizojnë ChatGPT Health.
“ChatGPT Health është një hapësirë e dedikuar ku bisedat shëndetësore qëndrojnë të ndara nga pjesa tjetër e bisedave tuaja, me mbrojtje të forta të privatësisë si parazgjedhje”, tha zëdhënësi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
