OpenAI do ta produktin e Inteligjencës Artificiale ChatGPT të disponueshëm për kompanitë për ta përfshirë në aplikacionet e tyre derisa synon përdorimin komercial për programin e tij jashtëzakonisht popullor.
Kompania, e cila prezantoi ChatGPT-n për publikun në nëntor, tani po ofron akses me pagesë për bizneset dhe zhvilluesit që duan ta përdorin kapacitetin e softuerit për t’iu përgjigjur pyetjeve dhe për të gjeneruar tekst në aplikacionet dhe produktet e tyre.
Klientët do të jenë në gjendje të lidhin aplikacionet e tyre në ndërfaqen e programimit të aplikacionit ChatGPT, duke iu dhënë atyre të njëjtin version të modelit GPT 3.5 që e përdor vetë OpenAI me një kosto 10 herë më të ulët se modelet ekzistuese të OpenAI.
Lexo edhe: Kina bllokon aksesin e ChatGPT: Mbështet propagandën amerikane
Instacart, Shopify dhe Snap janë ndër kompanitë që tashmë përdorin ChatGPT API në produktet e tyre, tha OpenAI me bazë në San Francisko në një postim në blog të mërkurën.
Derisa OpenAI ka gjeneruar interes të madh publik në sistemet më të njohura të inteligjencës artificiale përgjatë vitit – ChatGPT që krijon tekst dhe DALL-E që gjeneron imazhe nga teksti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English