Çfarë nuk shkon me Meta-n? - Business Magazine Albania

Çfarë nuk shkon me Meta-n?

Çfarë nuk shkon me Meta-n?

Meta po heq gabimisht shumë përmbajtje nëpër aplikacionet e saj, sipas një ekzekutivi të lartë.

Nick Clegg, presidenti i çështjeve globale të Meta-s, tha se “niveli i gabimeve në moderim është ende shumë i lartë.” Ai premtoi se do të “përmirësojmë saktësinë dhe drejtësinë me të cilën veprojmë në lidhje me rregullat tona.”

“E dimë që kur zbatojmë politikat tona, nivelet e gabimeve janë ende shumë të larta, gjë që e pengon shprehjen e lirë që ne duam të mundësojmë. Shpesh, përmbajtja e pafajshme hiqet ose kufizohet, dhe shumë njerëz ndëshkohen padrejtësisht”,tha Clegg gjatë një thirrjeje për shtyp. Ai tha se kompania  pendohet për heqjen agresive të postimeve lidhur me pandeminë e COVID-19. CEO Mark Zuckerberg i tha kohët e fundit Komitetit të Drejtësisë në Dhomën e Përfaqësuesve se vendimi ishte i ndikuar nga presioni i administratës së Biden-it.

“Kemi pasur rregulla shumë të rrepta duke hequr sasi të mëdha përmbajtjesh gjatë pandemisë. Askush gjatë pandemisë nuk e dinte se si do të zhvillohej ajo, kështu që kjo është mençuri pas ngjarjes. Por, ne mendojmë se e tepruam pak. Jemi shumë të vetëdijshëm sepse përdoruesit, me të drejtë, ngritën zërin se ndonjëherë gabojmë duke hequr ose kufizuar përmbajtje të pafajshme ose të pastër”, tha Clegg.

Komentet e Clegg sugjerojnë se, pas rritjes së shpenzimeve për moderimin, sistemet automatike të Meta-s janë bërë të pandjeshme. Shembuj të “dështimeve në moderim” u panë së fundmi në Threads, për shkak të gabimeve në heqjen e përmbajtjes. Kompania kërkoi falje publikisht pasi sistemet e saj shtypën fotot e Presidentit të zgjedhur Donald Trump që mbijetoi një atentat. Bordi i Mbikëqyrjes i Meta-s paralajmëroi për rrezikun e heqjes së tepërt të fjalës politike gjatë zgjedhjeve presidenciale të SHBA-së.

Lexo edhe: Tesla s’ka të ndalur: Funksione të reja dhe përditësime të shumëpritura

Meta ende nuk ka bërë ndonjë ndryshim në rregullat e saj për përmbajtjen që nga zgjedhjet, megjithatë duket se mund të vijnë ndryshime të mëdha. Clegg i referohet rregullave si “një lloj dokumenti të gjallë dhe që merr frymë”. Kur u pyet për drekën e Zuckerberg me Trump javën e kaluar, Clegg shmangu pyetjen. Ai nuk dha një përgjigje konkrete.

“Nuk mund t’ju jap një koment për bisedat që nuk kam marrë pjesë,” tha ai për drekën e Zuckerberg me Trump. Administrata ende është në formim dhe inaugurimi nuk ka ndodhur ende”. Ai shtoi se bisedat janë në një nivel të lartë. “Mark është shumë i interesuar të luajë rol aktiv në debatet për udhëheqjen teknologjike të Amerikës.” Po ashtu theksoi rëndësinë e këtij roli, duke pasur parasysh pasiguritë globale dhe ndikimin e AI-së.

THE VERGE

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0