Përveç se janë disa nga kompanitë më të suksesshme në Amerikë, DropBox, Reddit, Uber dhe Airbnb ndajnë dhe diçka tjetër të përbashkët. Këto kompani kanë qenë pjesë e akseleratorëve startup.
Përshpejtuesit startup ndihmojnë kompanitë e reja me strategji dhe mënyra për t’u rritur sa më shpejt. Në Amerikë ka 172 akseleratorë në 35 shtete dhe numri i tyre është dyfishuar çdo dy vjet duke filluar nga 2008. Akseleratorët amerikanë kanë investuar në 5000 kompani të ndryshme me një shumë totale rreth $2 miliard. Këto kompani kanë marrë mbi $17 miliard investim gjatë përiudhës pas akselerimit.
Programet e përshpejtimit të sipërmarrjeve të reja zgjasin për një periudhë 3 deri në 6 muaj. Programi përfshin mentorim, rrjetëzim, takim me investitorë dhe gjetjen e tregut. Deri tani nuk është gjetur ndonjë lidhje midis kohës së kaluar në një akselerator dhe suksesit që ka biznesi pas këtij programi. Ndër përshpejtuesit më të njohur në SH.B.A janë Y Combinator, Tech Stars dhe 500 Startups.
Këto programe mund të jenë të efektshme në rritjen e sipërmarrjeve të reja, për të arritur qëllimet e tyre më shpejt. Ka një dallim të madh ndërmjet përshpejtuesve më të mirë dhe atyre mesatarë. Sipërmarrjet e reja që marrin pjesë në përshpejtuesit më të mirë si Tech Star apo 500 Startups, e kanë më të lehtë për të gjetur klientë, investitorë dhe për të pasur një zhvillim të qendrueshëm.
Më poshtë mund të gjeni tre elementë që e bëjnë një akselerator të suksesshëm:
1. Mësuesit janë të rëndësishëm
Akseleratorët e suksesshëm duhet t’ju japin mundësinë për të bashkëpunuar me mentorë të kualifikuar gjatë programit.
2. Mësoni nga problemet
Programet e përshpejtimit të sipërmarrjeve të reja duhet ta bëjnë të ditur që në fillim mundësinë e mosmarrveshjeve që mund të lindin midis mentorëve, themeluesve të kompanisë dhe investitorëve. Këto mosmarrëveshje duhet të shihen si mundësi për të mësuar dhe për t’u rritur.
3. Rrjetëzimi
Akseleratorët duhet të ndërtojnë një kulturë dhe një rrjet njohjesh që do të zgjasin gjatë gjithë jetës së sipërmarrjeve të reja. Përshpejtuesit që nuk kanë sukses, ju mungon një vizion dhe vetëm sa marrin shembuj të gatshëm nga akseleratorët e tjerë. Në Sh.B.A përshpejtuesit e sipërmarrjeve kanë një rol kyç, për shkak se sipërmarrja shihet si një rrugë mjaft e mirë për të rritur ekonominë dhe shtuar numrin e të punësuarve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
