Çfarë është saktësisht Dita Ndërkombëtare e Grave?

Çfarë është saktësisht Dita Ndërkombëtare e Grave?

~5 minuta lexim


Shtetet e botës festojnë sot Ditën Ndërkombëtare të Grave. 8 Marsi nuk kujton vetëm arritjet e grave, por gjithashtu sjell në vëmendje vështirësitë me të cilat ato përballen në rrugën e tyre.

Ja një historik i shkurtër rreth gjërave që duhet të dini për këtë ditë:

 Kur filloi?

Megjithëse kjo ditë nuk ishte njohur zyrtarisht nga Kombet e Bashkuara deri në vitin 1977, historia e festimeve daton që në fillimet e shekullit të njëzetë, falë lëvizjes së punës që u bë në Amerikën e Veriut dhe Europë.

Lexoni: Librat më të bukur që mund të dhuroni për 7-8 Mars

Anëtaret e lëvizjes së grave në Rusi gjatë Luftës së Parë Botërore festuan Ditën e Parë Ndërkombëtare të Grave në 8 Mars 1913, duke protestuar paqësisht kundër luftës. Një vit më vonë, gratë në të gjithë Europën mbajtën mitingje për t’u solidarizuar në të njëjtën datë.

Në 8 Mars 1917, mijëra gra në Petrograd u mblodhën për “Bukë dhe Paqe”. Kjo demonstratë ndihmoi në lindjen e Revolucionit Rus.

Pas Luftës së Dytë Botërore, vendet nga të gjitha kontinentet filluan të përdorin 8 Marsin si një shënues për të mbrojtur barazinë e grave. Qindra gra marshuan për të drejtat e abortit dhe barazinë në vendin e punës në qendër të qytetit të Bostonit në 8 Mars 1970. Më shumë se një shekull më vonë, ngjarje të shumta dhe marshime zhvillohen ende në 8 Mars për të festuar arritjet e grave dhe për të ndërmarrë veprime.

Për çfarë bëhet fjalë?

Kombet e Bashkuara po përqendrohen këtë vit në barazinë gjinore dhe të drejtat e njeriut për të gjitha gratë dhe vajzat. Tema e përkujtimit është: “Unë jam barazia e gjeneratës: Realizimi i të drejtave të grave”.

“2020 është një vit masiv për barazinë gjinore,” tha Phumzile Mlambo-Ngcuka, drejtoreshë ekzekutive e Kombeve të Bashkuara për Gratë. “Përfitimet e barazisë gjinore nuk janë vetëm për gratë dhe vajzat, por për të gjithë, jeta e të cilëve do të ndryshojë nga një botë më e drejtë dhe nuk do të lërë askënd mënjanë.”Ajo shpjegon sesi edhe pse ka pasur përparim për gratë që “asnjë vend nuk ka arritur barazinë gjinore”.

Si mund të përfshiheni?

Ka shumë mënyra për të marrë pjesë në Ditën Ndërkombëtare të Grave, nga marrja pjesë nëpër festivale deri tek dhurimi për kauza të caktuara.

CNN ka identifikuar disa organizata, që mbështetin gratë për problemet që ato hasin nderkombëtarisht, tw cilat mund t’i gjeni duke klikuar këtu.

Do të ketë shumë postime në mediat sociale, që do shkruajnë për festimet e kësaj ditë. Ndiqni #EachforEqual, #GenerationEquality, #InternationalWomensDay dhe #IWD2020 për të parë thirrjet që bëhen për barazi gjinore në të gjithë globin.

CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0