Ceremonia Oscars e 2024 solli momente të paharrueshme. Këtu përfshihet shfaqja e Ryan Gosling që këndonte “I’m Just Ken” nga Barbie, një cameo (pothuajse) e zhveshur e John Cena dhe një varg fitoresh. Po, çfarë mund të presim nga nata më e madhe e Hollywood-it në 2025? Ja çfarë dimë deri tani.
Kur do të zhvillohet ceremonia Oscars e 2025? Oscars e 2025-s është planifikuar të zhvillohen të dielën, më 2 mars. Ceremonia e yjeve do të fillojë në orën 16:00 sipas Kohës së Rajonit Paqësor dhe 19:00 sipas Kohës Lindore.
Ku do të mbahet Oscars? Sipas traditës, Çmimet e Akademisë të 97-ta do të mbahen në Teatrin Dolby në Ovation Hollywood në Los Angeles.
Kush do ta drejtojë ceremoninë e Oscars? Duke marrë rolin nga Jimmy Kimmel, i cili udhëhoqi ceremoninë në 2023 dhe 2024, do të jetë komediani i dashur Conan O’Brien. Akademia e konfirmoi lajmin më 15 nëntor. Ata publikuan një video qesharake të fituesit të pesë Emmy-ve dhe udhëheqësit të parë të Oscarëve që bën sikur pranon një çmim Oscar vetë.
“Jemi të lumtur që Conan O’Brien, do të jetë udhëheqës i Oscars këtë vit,” thanë CEO i Akademisë Bill Kramer dhe presidentja Janet Yang në një deklaratë. Ai është personi i përsosur për të udhëhequr me humorin e tij brilant, dashurinë për filmat dhe televizionin live. Aftësia e tij e jashtëzakonshme për t’u lidhur me audiencën do t’i afrojë shikuesit së bashku. Kështu do të bëjmë atë që bëjnë më së miri Oscarët – të nderojnë filmat dhe krijuesit e tyre të këtij viti.”
Emra të tjerë ishin përmendur përpara se O’Brien të nënshkruante zyrtarisht. Sipas The Hollywood Reporter, Kimmel dhe John Mulaney, refuzuan mundësinë për të udhëhequr ceremoninë e 2025-s.
Kush do të performojë në Oscars 2025? Ka mundësi që ylli i Emilia Pérez, Selena Gomez, të jetë ndër performuesit. Ajo mund të interpretojë këngën “Mi Camino”. Po ashtu, Saoirse Ronan mund të performojë baladën e ndjeshme “Winter Coat” nga Blitz. Lady Gaga mund të këndojë “Folie à Deux” nga vazhdimi i Joker. Pharrell Williams mund të interpretojë “Piece by Piece” nga biografia e tij Lego e titulluar njësoj. Miley Cyrus mund të këndojë “Beautiful That Way” nga drama “The Last Showgirl” që ka Pamela Anderson në rol kryesor.
Kur do të shpallen nominimet për Oscars 2025? Nominimet për Oscarët e 2025-s do të shpallen të premten, më 17 janar. Dita për nominimet do të zhvillohet më 10 shkurt. Votimi përfundimtar do të bëhet mes 11 dhe 18 shkurtit.
Lexo edhe: 5 arsye për të qenë optimistë për ekonominë e 2025
Kush do të nominohet për një Oscar në 2025? Gara për Oscars e 2025-s është ende, befasueshëm, e hapur.
Filma si Anora, Conclave, The Brutalist, Emilia Pérez, Dune: Part Two, Sing Sing, A Complete Unknown, The Piano Lesson dhe Nickel Boys po luftojnë për një vend në kategorinë e filmit më të mirë.
Regjisoret Sean Baker (Anora), Edward Berger (Conclave), Brady Corbet (The Brutalist), dhe Denis Villeneuve (Dune: Part Two) mund të jenë në garë për regjinë më të mirë.
Po ashtu, Jacques Audiard (Emilia Pérez), RaMell Ross (Nickel Boys), dhe Mohammad Rasoulof (The Seed of the Sacred Fig).
Shikoni këtu pamjet nga tapeti i kuq Oscars 2024.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
Business Mag Nr. #26 - Korrik 2021 