Shefi ekzekutiv i Intel, Pat Gelsinger, i krahasoi çipet me naftën, duke thënë se çipat kompjuterikë do të luajnë një rol kryesor në marrëdhëniet ndërkombëtare në dekadat e ardhshme.
“Rezervat e naftës kanë përcaktuar gjeopolitikën për pesë dekadat e fundit. Ku janë fabrikat për një të ardhme digjiitale është më e rëndësishme,” tha Gelsinger në një intervistë në “Squawk Box” të CNBC. “Le t’i ndërtojmë aty ku i duam dhe të përcaktojmë botën, në të cilën duam të jemi pjesë në SHBA dhe Evropë.”
Shumica dërrmuese e çipave kompjuterikë prodhohen aktualisht në Azi, veçanërisht në Tajvan. Ky përqendrim ka ngritur shqetësime për sigurinë natyrore, veçanërisht pasi Kina ka rritur praninë e saj ushtarake pranë ishullit që Pekini pretendon se është i veti.
Prodhimi i çipave gjithashtu, ka patur mungesë gjatë pandemisë Covid. Pati ndërprerje të prodhimit, ndërsa kishte kërkesë në rritje për çipat që përdoren në elektronikë, duke filluar nga telefonat inteligjentë te makinat e deri te makinat larëse.
Nën udhëheqjen e Gelsinger, Intel ka diversifikuar gjeografikisht prodhimin e çipave. Në muajt e fundit, Intel ka njoftuar investime masive për të ndërtuar fabrika të reja në SHBA dhe Europë. Intel gjithashtu filloi punën vitin e kaluar në dy fabrika të çipave në Arizona.
Kompania me bazë në Santa Clara, Kaliforni, ka nxitur zyrtarët në Uashington dhe Bruksel për të mbështetur legjislacionin që do të përfshinte investimet e qeverisë për të ndihmuar në prodhimin e gjysmëpërçuesve.
Gelsinger foli para dëshmisë së tij në Senatin e SHBA në mbështetje të një plani subvencioni prej 52 miliardë dollarësh.
Geslinger nuk është personi i parë që krahason gjysmëpërçuesit me naftën. Por, vërejtjet e tij marrin një rëndësi të madhe, sepse çmimet e naftës së papërpunuar u rritën këtë vit, pjesërisht për shkak të luftës Rusi-Ukrainë dhe frikës për ndërprerje të furnizimit.
Është rasti i fundit i tensioneve gjeopolitike që rrit çmimet e karburantit dhe, nga ana tjetër, shqetësime për ndikimin e tyre tek konsumatorët amerikanë. Kjo ka ndodhur më parë, si në krizën energjetike të viteve 1970.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
