Firma Israelite, Cellebrite, ka raportuar se ajo ka qenë kompania që ka punuar së bashku me FBI-në për të zhbllokuar iPhone 5c. Bëhet fjalë për iPhonin e Farook, vrasësit të San Benardino, i cili qe dhe shkaktari i një beteje ligjore midis Apple dhe FBI-së.
“Byroja Federale e Hetimeve së SHBA-së ka punuar së bashku me kompaninë izraelite Cellebrite Mobile Synchronization Ltd. për të krakuar iPhone e përdorur në të shtënat e vitit të kaluar në San Bernardino, Kaliforni, sipas njerëzve të njohur me këtë çështje.”
FBI raportoi më herët këtë javë se kishte rikuperuar të dhënat e iPhone-it të Farook në mënyrë të suksesshme, duke i dhënë fund një betejë ligjore një mujore mes dy palëve. Ndërsa FBI-ja nuk ka dhënë asnjë detaj në lidhje me emrin e bashkëpunëtorit të tij, Bloomberg thotë se Cellebrite ka punuar me Byronë dhe më para.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
