CANCRI Marketing bën për herë të parë së bashku të gjithë të apasionuarit e marketingut dixhital. Studentë, creators, menaxherë të rrjeteve sociale, manaxherë marketingu, startupe dhe biznese të vogla u mblodhën rreth një qëllimi të përbashkët, për të mësuar dhe informuar më shumë rreth temës ‘Content Marketing në ditët e sotme’, nën moderimin e Fatjona Murati bashkëthemeluese e CANCRI Marketing.
CANCRI Marketing është një agjenci marketingu bazuar te kreativiteti, inovacioni, përkujdesja ndaj klientit dhe arritja e rezultateve më të mira. Këtë herë vjen me një event qëllimi i të cilit ishte shtimi i vlerave dhe fuqizimi i të gjithë atyre që kanë nevojë të rriten në një mjedis mjaft konkurues nëpërmjët krijimit të kontentit dhe marketingut dixhital. Eventi ishte i ndarë në 2 pjesë, në pjesën e parë kishte sesione trajnuese me 3 të ftuar shumë të njohur të fushës.
E ftuara e parë, Egla Shkurta, foli rreth kontentit në përgjithësi, elementët e një kontenti të mirë dhe si të rrisim shitjet nëpërmjet një kontenti të mirë. I ftuari i dytë, Ermal Çelaj tregoi se si ndikojnë ngjyrat, lloji i shkrimit dhe fjalët e përdorura në krijimin e një kontenti të mirë të promocioneve të ndryshme. Pjesa e parë u mbyll në mënyrë të sukseshme me biznesmenin Tomi Kallanxhi, ku tregoi trendet më të fundit që duhet të kenë parasysh në krijimin e kontentit ditët e sotme. Një pjesë e cila u pasua me shumë pyetje dhe diskutime nga pjesëmarrësit. Një feedback i paparë u pa edhe në pjesën e dytë me panelin e diskutimit me influencers. Pyetje dhe diskutime pafund rreth rolit të influencers në krijimin e kontentit, por jo vetëm. Për të ndarë eksperiencën e tyre ishin të ftuar Aurora Mema, Dea Dumani dhe youtuber-i i njohur i Tips 2 Fix, Daniel Marku. Të tre të ftuarit ndanë eksperiencën e tyre se si filloi gjithçka, vështirësitë që kanë pasur dhe ndanë mënyra të ndryshme se si funksionojnë me bizneset në tërësi.
Një event i cili mbajti mbajti të mbërthyer për tre orë mbi 60 pjesëmarrës të cilët u shprehën që kishin mësuar shumë dhe prisnin të zhvilloheshin aktivitete të tjera të kësaj natyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto