Grumbulluesit dhe përpunuesit e bimëve mjekësore, kërkojnë të lehtësohen procedurat në këtë industri. Një nga kërkesat është marrja e liçencës në një kohë më të shkurtër.
Kreu i Shoqatës së Bimëve Mjekësore dhe Aromatike Xhevit Hysenaj ka kërkuar ndryshime në ligj, në mënyrë që të rriten eskportet dhe punësimi në këtë sektor. Sipas tij, duhet të shkurtohen procedurat e vjeljes së bimëve mjekësore.
Hysenaj tha se, ‘Ne mund të arrijmë 43’000 vende pune nga 12’500 që ishin në 2018. Parashikohet 12 muaj punë, jo part time”.
Për shkak të pengesave burokratike, sot 70% e bimëve mjekësore aromatike të egra nuk mbildhen.
Marrja e lejës për të vjelë një parcelë, krahas listës së shumtë të dokumenteve, kërkon 6-18 muaj kohë të miratohet.
Vitin e kaluar, eksportet e bimëve aromatiko-mjekësore natyrale arritën në 4,5 miliardë lekë.
Eksportuesit janë të bindur së nëse sektori çlirohet nga burokracitë, pas 10 vitesh, eksportet mund të arrijnë deri në 200 milionë euro.
Një prej produkteve më të eksportuara është sherebela, e cila preferohet në tregun amerikan dhe Shqipëria siguron gati 70% të kërkesës atje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English