Britcoin? Britania e Madhe po eksploron mundësinë për krijim e monedhës digjitale të bankës qendrore - Business Magazine Albania

Britcoin? Britania e Madhe po eksploron mundësinë për krijim e monedhës digjitale të bankës qendrore

Britcoin

Thesari dhe Bank of England po krijojnë një task forcë për të vlerësuar krijimin e një monedhe dixhitale të bankës qendrore për të provuar të ardhmen e kriptomonedhave dhe për të përmirësuar sistemin e pagesave.

Duke u bashkuar me një trend mbarëbotëror për të hetuar monedhat e reja të bankës qendrore, kancelari Rishi Sunak tha se Britania, “duhet të shkojë më tej, për të qëndruar në krye të inovacionit financiar”.

Një monedhë digjitale e bankës qendrore ka shumë përkufizime. Karakteristikat unifikuese do të ishin që të krijohet sistem digjital i pagesave, ndryshe nga bankat tregtare dhe kompanitë e mëdha të pagesave, të cilat përdorin monedhat kombëtare, të tilla si Visa dhe Mastercard.

Versione të ndryshme parashikojnë individë që kanë llogari digjitale në bankën qendrore, duke shërbyer të njëjtin qëllim si kartëmonedhat dhe monedhat në sistemin financiar.

Përfitimet përfshijnë një ulje të mundshme të kostove të transaksionit, duke siguruar që njerëzit të mbrohen nga paqëndrueshmëria financiare e sistemeve private të pagesave, që potencialisht dështojnë dhe duke siguruar që bankat qendrore të mbajnë kontrollin mbi politikën monetare kundrejt mundësisë së largët që pagesat mund të migrojnë në kriptovaluta.

Lexo: Dogecoin, forcon vlerën e vet me 20%

Bank of England tha që bashkë me Thesarin nuk kishin marrë një vendim për të emetuar një monedhë digjitale të bankës qendrore dhe task forca do të shqyrtonte një gamë të gjerë çështjesh, përfshirë nëse ajo shërbente për një qëllim të vlefshëm.

Nuk do të ishte një aset kripto, siç është bitcoin, i cili mund të rritet ose zvogëlohet në vlerë krahasuar me monedhat kombëtare. Bank of England shtoi se përdorimi i parave të gatshme mund të bjerë shpejt me tejkalimin e përdorimit të kartave.

Shumë bankierë qendrorë kanë pranuar se ka disa rreziqe të mëdha për të kapërcyer me futjen e një monedhe dixhitale të bankës qendrore. Bank of England potencialisht do të duhet të respektojë rregullat e klientit të vet për të parandaluar përdorimin e monedhës për financimin e terrorizmit ose pastrimin e parave. Ekzistenca e saj mund të dëmtojë shëndetin e bankave tregtare, duke hequr depozitat në të cilat ata mbështeten.

Bank of England tha që task forca do të shqyrtojë këto mundësi dhe rreziqe, do të vlerësojë teknologjitë alternative dhe do të shqyrtojë zhvillimet në vendet e tjera. Pastaj do të siguronte “një vlerësim rigoroz, koherent dhe gjithëpërfshirës të çështjes së përgjithshme për një monedhë dixhitale të bankës qendrore të MB”, tha ajo në një deklaratë.

Task forca do të bashkëkryesohet nga Jon Cunliffe, zëvendës guvernator për stabilitetin financiar në Bank of England dhe Katharine Braddick, drejtori i përgjithshëm i thesarit i shërbimeve financiare.

Financial Times

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0