Sindi Breshani, artistja shqiptare në Londër, është një nga fitueset e konkursit “Women in Games: Student Portfolio Award” në fushën e industrisë së lojërave digjitale. “Women in Games” është një organizatë jo-fitimprurëse që kërkon një industri, kulturë dhe komunitet lojërash pa diskriminim gjinor, ku barazia e plotë e mundësive, trajtimit dhe kushteve i fuqizon të gjitha gratë për të arritur potencialin e tyre të plotë.
Punon në partneritet me ambasadorë individualë dhe partnerë korporatash për ta bërë barazinë realitet. “Women in Games” operon prej 10 vitesh dhe tani përfaqësohet zyrtarisht në 32 vende të ndryshme. Shqiptarja Sindi Breshani është vlerësuar për vënien e artit vizual në shërbim të narracionit. Sindi është Asistente Pedagoge pranë “Goldsmiths, University of London” dhe po kryen Masterin në “Information Experience Design” në Royal College of Art.
LEXO: I riu shqiptar fiton çmimin “Fytyra e së Ardhmes e Shitjeve, Marketingut dhe Komunikimit” në Angli
Ajo jeton në Londër. Ka lindur dhe është rritur në Shqipëri, më pas ka shkuar për studime në Britani. Sindi ka marrë pjesë në evente dhe kompeticione të ndryshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
