Bregu: Digjitalizimi kërkon një qasje ndër breza - Business Magazine Albania

Bregu: Digjitalizimi kërkon një qasje ndër breza

Bregu: Dixhitalizimi kërkon një qasje ndër breza

“Sot është një ditë e shënuar për Prishtinën, që është kthyer sot në qendrën e gravitetit, të një prej nismave më të mëdha të Procesit të Berlinit – Samiti Digjital i Ballkanit Perëndimor”. Deklarata vjen nga Majlinda Bregu, Sekretare e Përgjithshme e Këshillit të Bashkëpunimit Rajonal (RCC) në hapja e Samitit të 5-të Digjital të Ballkanit Perëndimor (WBDS) të mërkurën në Prishtinë.

“Prishtina sot është më dinamike nga bizneset e reja, kompanitë e IT-së, ekspertët që po shfrytëzojnë potencialet digjitale, për zhvillimin e rajonit tonë. Është e njëjta frymë dhe energji që kemi ndjerë nga afër, vetëm dy javë më parë, kur organizuam Balkathon 3.0. Përpjekjet dhe vullneti i të rinjve, janë një forcë e madhe dhe frymëzuese, që na detyron ne, politikëbërësit, të punojmë shumë më shumë, duke ndjekur inteligjencën dhe ritmin dinamik të tyre.” tha zonja Bregu.

Sipas saj “Digjitalizimi në rajon ka dy anë të medaljes. Nga njëra anë, duhet të theksojmë se ka shenjuar përparime të mëdha me përhapje të gjerë dhe përvetësim masiv të shërbimeve elektronike; Teknologjia e Informacionit dhe Komunikimit po bëhet një shërbim kryesor eksportues dhe një aset ekonomik për shumicën e ekonomive tona,” tha Bregu duke marrë më tej si shembull Kosovën, që është shtëpia e një numri të madh talentesh të klasit botëror.

“Shkalla më e lartë e përdoruesve të internetit në rajon është 93 %; me një numër të madh të kompanive IT. Vetëm vitin e kaluar nga Kosova janë eksportuar 130 milionë shërbime të Teknologjisë Dixhitale. Pas më shumë se një viti, kur është vënë në zbatim “Fol si n’shpi”, Marrëveshja Rajonale e Roaming, ne krenohemi me suksesin dhe gjithë ç’kanë fituar qytetarët: janë 143 milionë minuta telefonata, dalëse, nga përdoruesit tanë roaming në vitin 2021, shifër kjo që përfaqëson 50% rritje vjetore krahasuar me 2019 dhe 2020-ën” tha zonja Bregu.

Nga ana tjetër ajo kujtoi se rajoni i Ballkanit kohët e fundit po përballet me sulme kibernetike tejet serioze. Njohuria digjitale është ende e ulët (24% në 47% krahasuar me 54% që është në BE), siç është edhe niveli i ndërveprimit ndërkufitar. Sipas zonjës Bregu kjo është arsyeja që marrin më shumë hov e zënë më shumë rrënjë lajmet e rreme dhe disinformimi.

“Ky Samit vjen në një moment të veçantë për rajonin tonë. Ndërkohë që krizat gjeopolitike, e inflacionit, energjitike, ushqimore, klimaterike, dhe të tjera janë të pranishme, ne po përpiqemi, gjithashtu, të gjejmë disa gjëra pozitive” tha zonja Bregu.  Sipas saj vendet e rajonit “… do të duhet të vazhdojnë të insistojnë që hapat e guximshëm, vendimtarë dhe të përcaktuar, për anëtarësimin e rajonit në BE, të ndërmerren pa vonesa të mëtejshme, duke përfshirë liberalizimin e vizave për Kosovën dhe statusin e vendit kandidat për Bosnjë & Hercegovinën.

RCC  mbështeti këtë eveniment, më të madhin rajonal për digjitalizim, për të pestin vit radhazi. Samiti Dixhital i Ballkanit Perëndimor zhvillohet çdo vit në kuadër të Procesit të Berlinit dhe Agjendës së Përbashkët të Tregut Rajonal për Ballkanin Perëndimor. Pas Samitit të mbajtur në Shkup në vitin 2018, në Beograd, Tiranë dhe Podgoricë, përkatësisht në vitin 2019, 2020 dhe 2021, këtë vit Samiti i 5-të Dixhital i Ballkanit Perëndimor organizohet  me mikpritjen e Qeverisë së Kosovës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0