“Bosch” dhe “Microsoft” së bashku për makinat e së ardhmes - Business Magazine Albania

“Bosch” dhe “Microsoft” së bashku për makinat e së ardhmes

Kompania “Bosch” ka zyrtarizuar një marrëveshje bashkëpunimi me “Microsoft” për të zhvilluar një platformë programesh që lejon integrimin e përsosur midis makinave të lidhura dhe Cloud. Ky program bashkon aftësitë e tyre përkatëse në sektorin e automobilave dhe Cloud Computing për të formuar gjeneratën e ardhshme të programeve për automjetet motorike.

Platforma e re, e cila do të bazohet në “Microsoft Azure” dhe do të përfshijë module programesh nga “Bosch”, do të lejojë zhvillimin e programit që do të shkarkohet përmes Cloud në njësitë e kontrollit dhe kompjuterët e automjetit, një prerogativë që do të thotë qasje më e shpejtë për përdoruesit te funksionet e reja dhe shërbimet dixhitale.

Nga këndvështrimi i prodhuesve të makinave, bashkëpunimi Bosch Microsoft do të çojë në risi në zhvillimin e mjeteve që rrisin efikasitetin dhe ulin kostot e zhvillimit të softverit të automjeteve. Të dy kompanitë synojnë ta bëjnë të disponueshme platformën e re të programit për prototipet e para të automjeteve deri në fund të vitit 2021.

ANSA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0