Ulet më tej çmimi i naftës në vend. Sipas vendimit të ri të Bordit të Transparencës nga pasditja e sotme një litër naftë do të shitet për 226 lekë, 6 lekë më pak nga sa ishte, rënia e dytë radhazi në vetëm pak ditë.
Po me 6 lekë ka rënë edhe çmimi i benzinës. Konsumatorët do ta blejnë atë në pikat e karburanteve për 206 lekë litri, nga e marta deri në vendimin e radhës së Bordit të Transparencës.
Pas rënies së ndjeshme që shënoi pak ditë më parë, bordi ka mbajtur të pandryshuar çmimin e gazit, i cili do të vijojë të shitet për 104 lekë litri.
Rënia e çmimeve të karburanteve në tregun vendas reflekton ndryshimet në tregjet ndërkombëtare. Çmimi për një fuçi naftë në bursa ka shënuar rënie të vazhdueshme ditët e fundit dhe po i afrohet nivelit të 100 dollarëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
