BMW zbulon të reja teknike për modelin e saj të ardhshëm elektrik


Në vitin 2021 BMW do të vijë në treg me limuzinën elektrike i4. Ajo do të ketë një motor elektrik 523 kuaj fuqi, me autonomi 600 km, sipas standardit të ri WLTP. Për të krijuar një ide më të saktë, BMW SUV iX3 elektrik ka një autonomi 400 km, ndërsa modelet krahasuese të Tesla, Mercedes dhe Audi kanë 400 km autonomi sipas të njëjtës matje WLTP.

Paketa e baterisë prej 80 kWh bën që BMW i4 të arrijë në 100 km/orë për rreth katër sekonda, ndërsa shpejtësia më e lartë do të jetë mbi 200 km/orë. Në varësi të performancës dhe autonomisë, i4 gjithashtu do të jetë i disponueshëm me bateri më të mëdha.

Platforma ku bazohet i4 elektrike do të mbështesë kapacitetet e mbushjes deri në 150 kW, çka e lejon baterinë të ngarkohet deri në 80% të kapacitetit të saj për vetëm 35 minuta. Kjo do të thotë se mjeti ka autonomi 100 km për çdo gjashtë minuta karikim.

i4 e BMW vjen si përmbushje e hendekut të krijuar mes modeleve të BMW i3 dhe i8, si dhe sedan tradicionalë të serive 3 dhe 5.

Deri më tani BMW ka shitur mbi 300 mijë automjete elektrikë në të gjithë botën.

Techcrunch

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale