Presidenti i Bjellorusisë, Alexander Lukashenko ka kërcënuar se do të hakmerret kundër çdo sanksioni të ri të Bashkimit Europian, duke përfshirë mbylljen e tranzitit të gazit natyror dhe mallrave përmes Bjellorusisë, për shkak të krizës spirale të emigrantëve në kufirin e saj.
“Ne po ngrohim Europën, ata ende po na kërcënojnë se do të mbyllin kufirin. Po sikur ta mbyllim gazin natyror atje? Prandaj, unë do të rekomandoja që udhëheqja polake, lituanezët dhe njerëzit e tjerë të mendojnë mirë para se të flasin”, tha Lukashenko.
Kjo vjen pasi mijëra emigrantë nga Lindja e Mesme, Afganistani dhe Afrika kanë bërë kamp në kufirin e Bjellorusisë me Poloninë për të kërkuar hyrjen në BE. Emigrantët janë përplasur me rojet e armatosura në kufirin me tela, ndërsa BE-ja akuzon Bjellorusinë për inkurajimin e imigracionit të paligjshëm dhe hakmarrjen për sanksionet e mëparshme ndaj Minskut për abuzimet e të drejtave të njeriut.
Lexoni: Përse inovacioni mund të ndalojë inflacionin?!
Sipas autoriteteve polake, deri në 4,000 emigrantë janë mbledhur në kufi dhe se dy grupe migrantësh depërtuan nëpër gardhet kufitare duke e përshkallëzuar më tej krizën pasi Rusia dërgoi gjithashtu bombardues për të vendosur hapësirën ajrore.
Armiqësia në rritje e nxiti Poloninë të paralajmëronte se kriza e emigrantëve mund të përfundojë në një konfrontim ushtarak, ndërkohë që situata ka shkaktuar alarm në të gjithë BE-në.
Kërcënimi për gazin nga lideri Bjellorus u hodh poshtë nga një anëtar kryesor i opozitës në mërgim të vendit.
“Alexander Lukashenko nuk do ta ndalë tubacionin, është një tjetër bllof. Të mos harrojmë se Lukashenko dëshiron që Europa të flasë me të”. Franak Viaorka tha për The Independent.
“Nëse ai do ta bënte këtë, do ta dëmtonte atë, do të dëmtonte Rusinë, zakonisht kur ai bën diçka, nuk e thotë paraprakisht.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
