Bizneset po mbështeten gjithnjë e më shumë në automatizim për të kompensuar mungesën e fuqisë punëtore - Business Magazine Albania

Bizneset po mbështeten gjithnjë e më shumë në automatizim për të kompensuar mungesën e fuqisë punëtore

automatizim

Robotët po marrin përsipër punët dhe kjo nuk është domosdoshmërisht një gjë e keqe.

Porositë e makinerive robotike janë rritur me 37% nga viti në vit, sipas Shoqatës për Avancimin e Automatizimit (A3). Arsyeja: Thjesht nuk ka punëtorë të mjaftueshëm për të plotësuar vendet e punës. “Me mungesë të fuqisë punëtore në të gjithë prodhimin, logjistikën dhe pothuajse çdo industri, kompanitë e të gjitha madhësive po i drejtohen gjithnjë e më shumë robotikës dhe automatizimit për të qëndruar produktivë dhe konkurrues,” tha në një deklaratë për shtyp Jeff Burnstein, president i A3. Shoqata tregtare ka parë një rritje të veçantë të automatizimit në industrinë e automobilave, bujqësisë, ndërtimit, elektronikës, përpunimit të ushqimit dhe magazinimit.

Automatizimi mund t’i ndihmojë bizneset e vogla dhe të mesme të përballen me mungesën e fuqisë punëtore, veçanërisht kur robotika ndihmon në përmirësimin e detyrave joefikase. Hulumtimet madje tregojnë se automatizimi mund të ketë një ndikim pozitiv në mjediset e punës. Revista Technology and Society zbuloi se automatizimi dhe inteligjenca artificiale mund të përmirësojnë produktivitetin e punonjësve dhe të ulin stresin, për shembull.

Lexoni: SKAITECH sjell robotikën, dronët dhe inteligjencën artificiale në Shqipëri

Megjithatë, pasojat negative janë diçka për t’u theksuar. Në të njëjtin studim, i cili u krye nga studiues të diplomuar në Institutin e Teknologjisë të Gjeorgjisë dhe Universitetin Shtetëror të Gjeorgjisë, autorët zbuluan se rritja e automatizimit mund të zvogëlojë kënaqësinë e punonjësve dhe të ketë një ndikim negativ në shëndetin e punonjësve. Ndikimi negativ i automatizimit dhe IA mbi shëndetin dhe kënaqësinë mund të jetë për shkak të rritjes së mbikëqyrjes dhe një ndjesie të reduktuar të kuptimit në punë.

Rritja e përdorimit të automatizimit mund t’i ndihmojë bizneset të përballen me mungesat e punëtorëve, por për t’i parandaluar ata që të largojnë punonjësit ekzistues, drejtuesit duhet të marrin parasysh të gjitha të mirat dhe të këqijat e tyre, thonë studiuesit. Kur përdoret për të plotësuar kërkesat e ngarkesës së punës (duke marrë përsipër detyra më të vogla ose për të thjeshtuar detyrat më të vështira, si punësimi), IA dhe robotika mund të jetë një zgjidhje solide.

/inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0