Bitcoin ka arritur nivelin e mbi 30,000 dollarëve për herë të parë që nga qershori i vitit të kaluar gjatë kësaj jave, ndërsa investitorët I kthehen investimeve në kriptomonedhaduke vendosur një bast për fundin e rritjes së normave të interesit.
Çmimet e Bitcoin tani janë rritur më shumë se 70 për qind që nga fillimi i këtij viti, ndërsa lë pas një vit të mjerueshëm 2022 në të cilin mbi një trilion dollarë u fshinë nga vlera e tregut më të gjerë të kriptove.
Rritjet e mprehta të normave dhe rritja e inflacionit bënë që investitorët të përpiqen për terren më të qëndrueshëm vitin e kaluar, duke shkaktuar një seri shpërthimesh kriptosh të profilit të lartë, duke përfshirë shkëmbimin FTX të Sam Bankman-Fried.
Lexo edhe: Çmimi i Bitcoin po hyn në një cikël të ri shpjegon eksperti i kriptomonedhave
Megjithatë, investitorët janë derdhur sërish në Bitcoin dhe Ethereum në vitin 2023, dy kriptovalutat më të vlefshme, në pritje të përfundimit të periudhës së rritjes së normave të interesit. Ethereum është rritur rreth 60 për qind që nga fillimi i vitit duke u tregtuar me 1,920 dollarë.
Mirva Anttila, drejtoreshë e kërkimit të aseteve dixhitale në WisdomTree tha se investitorët ishin duke vënë bast për një mbyllje në një periudhë rritjeje të mprehtë të normës. / City AM
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
