Klubi i vlerës së tregut prej 1 trilion dollarësh i është shtuar një anëtar i ri: bitcion. Numri i përgjithshëm i tregtimit së bitcoin-s ka arritur vlerën e më shumë se 1 trilion dollarë. Kjo për shkak se çmimi i një bitcoin arriti të premten vlerën më të lartë të të gjitha kohërave. Një bitcoin aktualisht kushton rreth 55,000 dollarë dhe ka rreth 18.6 milionë monedha në qarkullim, sipas Cionbase.
Për ta kuptuar vlerën, vetëm katër kompani në Shtetet e Bashkuara të Amerikës, Apple, Microsoft, Amazon dhe pronari i Google Alphabet, vlejnë sa bitcion. Gjithashtu, Bitcoin aktualisht vlen rreth 225 miliardë dollarë më shumë se Tesla, kompania që ka përgjegjësinë më të madhe për rritjen më të fundit të çmimit të kriptovalutës.
Juggernaut-ja e makinave elektrike të udhëhequr nga Elon Musk, njoftoi në fillim të këtij muaji se tani zotëron bitcoin me vlerë 1.5 miliardë dollarë. Tesla gjithashtu tha se po shikonte lejimin e konsumatorëve për të përdorur bitcoin, për të blerë makinat dhe SUV-të e saj. Ky lajm ka ndezur spekulime se kompanitë e tjera të mëdha së shpejti mund të shtojnë bitcoin ose kriptomonedha të tjera në bilancet e tyre, meqë bitcoin po gjeneron një kthim dukshëm më të lartë sesa obligacionet dhe paratë cash.
LEXO: Bitcoin tejkalon 50,000 dollarë, duke zgjatur rritjen masive të 2021
Corporate America po vlerëson bitcoin. Gjigandët e pagesave, Square dhe PayPal, i lejojnë përdoruesit e tyre ta blejnë dhe ta shesin atë. Kartat e kreditit Visa dhe Mastercard gjithashtu po përqafojnë kriptomonedhat. Një strateg i lartë në BlackRock, menaxheri më i madh i aseteve në botë, tha këtë javë se kompania ka filluar të ‘zhytej’ në bitcoin, duke e parë si një investim.
E gjithë kjo ka ndihmuar në ndezjen e një vale blerjesh nga investitorët mesatar. Firma e kërkimit të konsumatorit Piplsay, shkroi në një raport të enjten se gjysma e më shumë se 30,000 konsumatorëve që anketoi këtë javë në lidhje me bitcoin thanë se ata mendonin se ishte “e sigurt” për të investuar në kriptovaluta.
Çmimet e Bitcoin janë rritur më shumë se 80% deri më tani këtë vit, dhe investitorët po kërkojnë me entuziazëm edhe kriptomonedha të tjera. Ethereum, kriptomonedha e dytë më e madhe në botë me një vlerë totale prej rreth 220 miliardë dollarësh, është më shumë se dyfishuar këtë vit. Dhe çmimi i dogecoin, një monedhë që nisi fillimisht si një shaka e bazuar në meme, gjithashtu është rritur shumë këtë vit.
