Analiza e të dhënave tregoi se kryesisht rezervimi online kryhej nga njerëz të moshës nën 30 vjeç. Ndërsa, grupmosha mbi 40 vjeç masivisht përdorin agjensitë e udhëtimit. Mbi 40 vjeç, 71% përdorin agjensitë dhe vetëm 29% rezervimin online.
Rezultatet tregojnë që rezervimi online është më i përdorshëm prej të rinjve, pasi kjo grupmoshë është dhe më e familjarizuar me inovacionin dhe aplikacionet e ndryshme.
Donatela Osmënaj, eksperte në fushën e teknologjisë dhe informacionit, tregon se pavarësisht vendimit të tyre, udhëtarët duhet të jenë të mirëinformuar për të mirat e njërës apo tjetrës mënyrë për të rezervuar biletën e udhëtimit.
Rezervimi online, sipas saj, ka disavantazhet e veta, për të cilat konsumatori nuk është gjithmonë i ndërgjegjshëm. Në rezervimet online mund të dalin kombinime, të cilat nuk janë të sigurta nëse mund të kapin connection, në ndryshim nga ai me GDS/Global Distribution System, i cili pasqyron vetëm fluturimet e sigurta. Gjithashtu, në rezervimin online, ndryshe nga sistemet nuk mund ta ruash çmimin dhe të ndryshosh rezervimin me qëllim kapjen e një klase me çmim më të arsyeshëm.
Rezervimi online nuk të lejon të bësh voidticket (anulim të biletës) ndërkohë që sistemet ta lejojnë pa asnjë penalitet brenda ditës. Në këtë mënyrë ne mund të themi që adoptimi i këtyre mekanizmave TIK në linjat ajrore rrit reputacionin dhe besueshmërinë kundrejt klientëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
