Gjysma e dytë e vitit 2015 ka shënuar një tjetër tkurrje të fortë të të ardhuarve nga emigrantët, të cilët janë burimi kryesor për jetesën e dhjetra-mijëra familjeve, duke rënë me 10.5 përqind.
Sipas Bankës së Shqipërisë, shkak ka qenë goditja që mori ekonomia greke pas thellimit të krizës verën e vitit të kaluar si dhe rënia e vazhdueshme edhe e ekonomisë italiane, dy vendet ku janë përqendruar emigrantët shqiptarë.
Kriza greke dhe ngadalësimi i ekonomisë italiane në gjysmën e dytë të 2015-ës kanë dhënë ndikim të menjëherëshëm tek dërgesat e emigrantëve. Të dhënat e fundit nga Banka e Shqipërisë tregojnë se në tremujorin e katërt të vitit të kaluar, transfertat që emigrantët dërguan tek familjet ishin 10.5 përqind më të ulëta se e njëjta periudhë e një viti më parë. Ky është tremujori i dytë me radhë që transfertat shënojnë ulje.
Të ardhurat e emigrantëve u rritën me 21 përqind në gjysmën e parë të vitit 2015 duke dhënë shpresa se familjet që përfitojnë nga to do të kishin një vit më të mirë financiar. Por tendenca pozitive u përmbys menjehërë pas thellimit të krizës greke në qershor, kur vendi fqinj rrezikoi daljen nga Euro.
Si rezultat, dërgesat ranë me 15 përqind në tremujorin e tretë dhe 10.5 përqind në atë të fundit. Veç rikthimit të Greqisë në recesion, gjashtëmujori i dytë i vitit të kaluar shënoi përkeqësim thuajse në mbarë ekonominë e Eurozonës.
Ekonomia italiane, e cila përbën burimin tjetër kryesor të dërgesave për Shqipërinë gati u rikthye në stanjacion në tremujorin e katërt, me rritje ekonomike të papërfillshme vetëm 0.1 përqind.
Dërgesat nga jashtë janë një burim i rëndësishëm për dhjetëra mijë familje në Shqipëri. Ato arritën rekordin në vitin 2007, kur Shqipëria përfitoi rreth 1 miliardë euro remitanca. Por menjëherë sapo ekonomia europiane u përfshi nga kriza dërgesat filluan të binin me shpejtësi dhe aktualisht luhaten nga 500 deri në 600 milionë euro në vit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English