Gjendja e luftës ndaj koronavirusit ka përfshirë pothuajse të gjithë botën, përfshirë shtetin e ri e të vogël Kosovën. Por, edhe pse në këto kushte emergjence shëndetësore, Kosova po përballet edhe me një krizë politike. Parlamenti i Kosovës ka rrëzuar qeverinë dhe kryeministrin e saj Albin Kurti.
Mocioni i mosbesimit në parlament u miratua me një shumicë votash, 82 vota. Ky mocion u propozua nga vetë aletati në qeverisje, Lidhja Demokratike e Kosovës, ku diskutimet për heqjen e taksës 100% ndaj Serbisë kanë qenë shkak i krisjes.Duke e cilësuar të pavend, Kurti pasqyroi gjatë seancës plenare ndërhyrjet e qeverisë për të ulur shpenzimet lidhur me krizën shëndetësore që ka përpara vendi. Gershëra ka prekur drejtues entesh, përfaqësues të lartë të institucioneve publike, konsulentë, të cilët Kurti i ka cilësuar si kosto e tepërt për vendin.
Kjo alenacë arriti të kurorëzohej vetëm një muaj më parë me mundësinë e qeverisjes. Aj ou parapri nga një periudhë e gjatë negociatash që vonuan formimin e qeverisë.
Lexo: Krijohet qeveria e Kosovës, nënshkruhet marrëveshja
Këto zhvillime kanë ngajllur reagime të shqiptarëve në vende të ndryshme, Përfaqësues politikë, por edhe të shoqërisë civile në Shqipëri, kanë shprehur keqardhjen e tyre për këtë krizë politike në Kosovë, ndërsa vendi duhet të përballlet me krizën shëndetësore. Po ashtu, personalitete të shumta, kanë përshëndetur qëndrimin e kryetares së parlamentit Vjosa Osmani, Ajo është pjesë e LDK-së por deklaroi publikisht votën e saj kundër dhe kundërshtoi rrëzimin e qeverisë, duke theksuar se kjo nuk mund të ndodhte në këtë kohë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
