Bie besimi i biznesit, sipas indeksit të Dhomës Amerikane të Tregtisë - Business Magazine Albania

Bie besimi i biznesit, sipas indeksit të Dhomës Amerikane të Tregtisë

besimi i biznesit

Dhoma Amerikane e Tregtisë në Shqipëri ka publikuar Indeksin e fundit të Biznesit, i njohur edhe si Perceptimi i Klimës së Biznesit (2020-2021).

Sipas këtij vrojtimi, besimi i biznesit në Shqipëri ra me 0.5% në 2021. Ai zbriti në 37.6, nga  38.1 që ishte një vit më parë. Në publikimin e 9-të të Dhomës, pjesëmarrja e të anketuarve vlerësohet të ketë qenë në nivelet më të larta se më parë, me 71% të anëtarëve.

Sipas rezultateve, në ndryshimet e këtij indeksi, ndikimin më të madh e kanë dhënë efektet e pandemisë COVID 19 dhe progresi më i ulët se pritjet për treguesit kryesorë të ekonomisë.

Pavarësisht rënies së ulët të besimit, vlen të theksohet se besimi u paraqit në nivelet e tij më të ulëta, për shkak edhe të tendencës rënëse në më shumë se një vit.

Efektet e pandemisë nuk tregojnë optimizëm tek sipërmarrjet ndërsa kërkohet të ndryshojnë/përmirësohen politikat dhe reforma në klimën e investimeve.

Klima e përgjithshme e biznesit vlerësohet të jetë e pafavorshme, pavarësisht se disa tregues të matur janë pozitivë, si: klima e brendshme politike, niveli i korrupsionit, rendi dhe siguria në vend, monopoli dhe konkurrenca e padrejtë, burokracia dhe zbatimi i ligjeve dhe rregulloreve.

Uljen më të madhe të vlerësimit e merr “Ecuria e Ekonomisë Shqiptare”, gati -6%. Rreth 80% e sipërmarrësve të anketuar thanë se performanca e ekonomisë shqiptare ra gjatë vitit 2020. Perceptim të ulët ka për disa elementë të rëndësishëm të ekonomisë si punësimi, eksportet.  Niveli i përgjithshëm tatimor i aplikuar shihet me shqetësim nga rreth 60% e të anketuarve, duke e cilësuar si jokonkurrues krahasuar me vendet e rajonit. Edhe më shqetësuese është gjetja e stafit të kualifikuar. 64% e të anketuarve e cilësojnë sfidë gjetjen e stafit të kualifikuar.

Për sa u përket marrëdhënieve me institucionet vlerësohet të ketë përmirësim, si me tatimet, doganat, apo edhe institucionet vendore.

Ndërsa kërkesa e vazhdueshme e sipërmarrjeve anëtare të Dhomës Amerikane të Tregtisë është ajo e reformave, si një mënyrë bazë për të siguruar progres.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0