Biden zotohet të trajtojë inflacionin: “Njerëzit po paguajnë më shumë seç duhet për produktet e shportës” - Business Magazine Albania

Biden zotohet të trajtojë inflacionin: “Njerëzit po paguajnë më shumë seç duhet për produktet e shportës”

Presidenti Joe Biden pranoi të mërkurën se qytetarët amerikanë po paguanin shumë për mallrat e përditshme, duke u zotuar të përballet me ritmet e rritjes së inflacionit, pasi të dhënat e qeverisë treguan se indikatori arriti muajin e kaluar kulmin 30-vjeçar .

Rritja e mprehtë e Indeksit të çmimeve të konsumit, raportuar nga Departamenti i Punës i befasoi ekonomistët dhe Shtëpinë e Bardhë. Kjo erdhi ndërsa Biden u nis për në Baltimore për të promovuar paketën e rishikuar të infrastrukturës me vlerë 1.2 trilionë dollarë, me të cilën ai argumenton se mund ta kthejë valën.

“Raportet e sotme ekonomike (tregojnë) se papunësia vazhdon të bjerë, por çmimet e konsumit mbeten shumë të larta”, tha Biden në një fjalim televiziv nga porti i Baltimores.

Presidenti ishte në qytetin e bregdetit lindor për të argumentuar se paketa e tij e infrastrukturës, e miratuar nga Kongresi javën e kaluar, do të ulte kostot dhe do të reduktonte pengesat e furnizimit.

“Çdo gjë, nga një litër gaz në një copë bukë kushton më shumë”, shtoi Biden.

“Edhe pse pagat po rriten, ne ende përballemi me sfida dhe duhet t’i trajtojmë ato.”

Lexo edhe: Përse inovacioni mund të ndalojë inflacionin?

Shtëpia e Bardhë tha se Biden do të nënshkruajë paketën e infrastrukturës, së bashku me ligjvënësit nga të dyja palët që ndihmuan në shkrimin e saj dhe të tjerë që mundësuan rrugën e saj drejt tryezës së Presidentit.

Çmimet u vunë nën presion nga kërkesa e lartë nga konsumatorët e mbushur me para të gatshme, e kombinuar me mungesat e punëtorëve amerikanë dhe pengesat në zinxhirët e furnizimit në mbarë botën që ngadalësuan dërgesat e komponentëve të rëndësishëm si gjysmëpërçuesit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0